വാഷിങ്ടണ്‍: ഇന്ത്യന്‍ വംശജയായ ബഹിരാകാശ സഞ്ചാരി കല്‍പന ചൗളയുടെ ധീരതയെ പുകഴ്ത്തി യു.എസ് പ്രസിഡന്റ് ഡൊണാള്‍ഡ് ട്രംപ്. കല്‍പന ചൗളയുടെ ത്യാഗവും ധീരതയും ബഹിരാകാശ യാത്ര സ്വപ്നം കാണുന്ന ലക്ഷണക്കണക്കിന് അമേരിക്കന്‍ പെണ്‍കുട്ടികള്‍ക്ക് പ്രചോദനമാണെന്ന് ട്രംപ് പറഞ്ഞു. മെയ് മാസത്തെ ഏഷ്യന്‍ അമേരിക്കന്‍ ആന്‍ഡ് പസഫിക് ഐലാന്‍ഡ് ഹെറിറ്റേജ് മാസമായി തെരഞ്ഞെടുക്കുന്നതിന്റെ ഔദ്യോഗിക പ്രഖ്യാപനത്തിന്നിടെയാണ് ട്രംപിന്റെ പ്രസ്താവന.