പുരി: ഒഡിഷയിലെ പുരിയിലെ ശ്രീ ഗുണ്ടിച്ച ക്ഷേത്രത്തിന് സമീപം ജഗന്നാഥ രഥയാത്രയ്ക്കിടെ ഉണ്ടായ തിക്കിലും തിരക്കിലും മൂന്ന് മരണം. 50 പേർക്ക് പരുക്കേറ്റു. ഞായറാഴ്ച പുലർച്ചെ 4 മണിക്കും 4.30 നും ഇടയിലാണ് അപകടം. വൻ ജനക്കൂട്ടം ഒരേ സമയം തടിച്ചുകൂടിയതോടെയാണ് അപകടം ഉണ്ടായത്.

ഗുണ്ടിച്ച ക്ഷേത്രത്തിന് സമീപം ദർശനത്തിനായി നൂറുകണക്കിന് ഭക്തർ തടിച്ചുകൂടിയപ്പോഴാണ് സംഭവം ഉണ്ടായതെന്ന് പുരി ജില്ലാ കളക്ടർ സിദ്ധാർത്ഥ് എസ്. സ്വെയ്ൻ പറഞ്ഞു. പെട്ടെന്ന് ജനക്കൂട്ടം ഇരച്ചുകയറിയതിനെ തുടർന്ന് തിക്കും തിരക്കും അനുഭവപ്പെടുകയായിരുന്നു. ബൊളാഗഡിൽ നിന്നുള്ള ബസന്തി സാഹു, ബലിപട്ടണയിൽ നിന്നുള്ള പ്രേമകാന്ത് മൊഹന്തി, പ്രവതി ദാസ് എന്നിവരാണ് മരിച്ചതെന്ന് തിരിച്ചറിഞ്ഞിട്ടുണ്ട്. ഖുർദ ജില്ലയിൽ നിന്നുള്ളവരാണ് ഇവർ. ഇവരുടെ മൃതദേഹങ്ങൾ പോസ്റ്റ്‌മോർട്ടത്തിനായി അയച്ചു.

ALSO READ: രഥയാത്രയ്ക്കിടെ മസ്ജിദിന് നേരെ ചെരിപ്പെറിഞ്ഞു: കർശന നടപടിയെടുക്കണമെന്ന് ആവശ്യവുമായി പൊലീസ് സ്റ്റേഷന് മുന്നിൽ പ്രതിഷേധം; നഗരത്തിൽ സംഘർഷാവസ്ഥ

ക്ഷേത്രത്തിന് മുന്നിലെ ശാരദാബലിക്ക് സമീപമാണ് സംഭവം നടന്നത്. ദർശനത്തിനിടെ ജനക്കൂട്ടം നിയന്ത്രണാതീതമായി, ബഹളത്തിൽ നിരവധി പേർ വീണു, ചവിട്ടേറ്റു. പരിക്കേറ്റവരെ അടുത്തുള്ള ആശുപത്രിയിൽ പ്രവേശിപ്പിച്ചു. ഇവരിൽ ആറ് പേരുടെ നില ഗുരുതരമാണ്.  വാർഷിക രഥയാത്രയിൽ ഇതുവരെ പത്ത് ലക്ഷത്തോളം ഭക്തർ പങ്കെടുത്തതായി കണക്കാക്കപ്പെടുന്നു. 

അതേസമയം, സംഭവത്തിന്റെ കാരണത്തെക്കുറിച്ച് അധികൃതർ അന്വേഷണം ആരംഭിച്ചു. എന്താണ് തിരക്കിന് കാരണമായതെന്നും ജനക്കൂട്ടത്തെ നിയന്ത്രിക്കുന്നതിൽ എന്തെങ്കിലും വീഴ്ചയുണ്ടായോ എന്നും ഞങ്ങൾ അന്വേഷിക്കുകയാണ് എന്ന് ഒരു ഉദ്യോഗസ്ഥൻ പ്രതികരിച്ചു. ശനിയാഴ്ച, പുരിയിൽ ഏകദേശം 10 മുതൽ 12 ലക്ഷം വരെ ഭക്തർ ഒത്തുകൂടുമെന്ന് പ്രതീക്ഷിച്ചിരുന്നതായി ഒഡിഷയിലെ അഡീഷണൽ ഡയറക്ടർ ജനറൽ ഓഫ് പൊലിസ് (ക്രമസമാധാനം) സഞ്ജയ് കുമാർ അറിയിച്ചു.

Three Dead, 50 Injured in Stampede Near Shri Gundicha Temple During Jagannath Rath Yatra in Odisha

A tragic stampede near the Shri Gundicha Temple in Puri, Odisha, during the Jagannath Rath Yatra led to the death of three people and left at least 50 others injured. The incident occurred between 4:00 AM and 4:30 AM on Sunday, when a massive crowd surged forward, causing chaos and overcrowding at the site.