ആനക്കര: സി.ഐ.ടി.യു തൃത്താല ഡിവിഷന്‍ കമ്മിറ്റിയുടെ നേതൃത്വത്തില്‍ പടിഞ്ഞാറങ്ങാടിയില്‍ നടത്തിയ മെയ് ദിന റാലി പൊതുയോഗം സി.കെ ചാമുണ്ണി ഉദ്ഘാടനം ചെയ്തു. പി.എന്‍ മോഹനന്‍ അധ്യക്ഷനായി. വി.കെ ചന്ദ്രന്‍ സംസാരിച്ചു. പി.ആര്‍ കുഞ്ഞുണ്ണി സ്വാഗതവും സി.പി റസാഖ് നന്ദിയും പറഞ്ഞു.
കൂറ്റനാട്: തൃത്താല നിയോജക മണ്ഡലം എസ്.ടി.യു കമ്മിറ്റിയുടെ നേതൃത്വത്തില്‍ തൊഴിലാളികള്‍ മെയ് ദിന റാലി സംഘടിപ്പിച്ചു. ആലൂര്‍ സെന്ററില്‍ നടന്ന റാലിക്ക് ഷംസുദ്ധീന്‍ തിരുമിറ്റക്കോട്, പി.വി സുലൈമാന്‍, സി. അബ്ദു, ടി. കെ മുസ്തഫ, കെ.വി ഹംസ, പി.സി കുഞ്ഞിപ്പ നേതൃത്വം നല്‍കി. എസ്.എം.കെ തങ്ങള്‍, ടി. മൊയ്തീന്‍ കുട്ടി, പി.എം. എ റസാഖ്, പാദുക നൗഷാദ് സംസാരിച്ചു.
ഷൊര്‍ണൂര്‍: സി.പി.എമ്മും, സി.പി.ഐയും വെവ്വേറെ മെയ്ദിന റാലി നടത്തി. ജില്ലയില്‍ സി.പി.എം പതിനഞ്ച് കേന്ദ്രങ്ങളിലും സി.പി.ഐ ഒന്‍പത് കേന്ദ്രങ്ങളിലുമാണ് മെയ്ദിന റാലി നടത്തിയത്. സി.ഐ.ടി.യു, എ.ഐ.ടി.യു.സി എന്നിവയുടെ ആഭിമുഖ്യത്തിലാണ് റാലികള്‍ നടന്നത്. ഷൊര്‍ണൂര്‍ ടൗണില്‍ പട്ടാമ്പി, ഒറ്റപ്പാലം മണ്ഡലം കമ്മിറ്റികളുടെ ആഭിമുഖ്യത്തില്‍ നടന്ന റാലി സി.പി.ഐ ജില്ലാ സെക്രട്ടറി കെ.പി സുരേഷ് രാജ് ഉദ്ഘാടനം ചെയ്തു. കുളപ്പുള്ളിയില്‍ സി.ഐ.ടി.യുവിന്റെ ആഭിമുഖ്യത്തില്‍ നടന്ന റാലിയില്‍ ഒറ്റപ്പാലം എം.എല്‍.എ പി. ഉണ്ണി ഉദ്ഘാടനം ചെയ്തു. ഏരിയാ സെക്രട്ടറി എസ്. കൃഷ്ണദാസ് പ്രസംഗിച്ചു.
പട്ടാമ്പി: സി.ഐ.ടി.യു ഡിവിഷന്‍ കമ്മിറ്റിയുടെ നേതൃത്വത്തില്‍ പട്ടാമ്പിയില്‍ മെയ് ദിന റാലിയും സമ്മേളനവും നടത്തി. വിവിധ യൂനിയന്‍ തൊഴിലാളികള്‍ക്ക് പുറമെ ഇതര സംസ്ഥാന തൊഴിലാളികളും റാലിയില്‍ സംബന്ധിച്ചു. ബസ് സ്റ്റാന്റില്‍ നിന്നാരംഭിച്ച റാലി മേലെ പട്ടാമ്പിയില്‍ സമാപിച്ചു. തുടര്‍ന്നു നടന്ന സമ്മേളനം ജില്ലാ സെക്രട്ടറി എം. ഹംസ ഉദ്ഘാടനം ചെയ്തു. എന്‍.പി വിനയകുമാര്‍ അധ്യക്ഷനായി.