റിയാദ്: ഉംറ വിസ പാസ്‌പോര്‍ട്ടില്‍ പതിക്കുന്നത് നിര്‍ത്തി. ഇനി മുതല്‍ ഉംറ വിസ ഓണ്‍ലൈന്‍ പ്രിന്റ് മാത്രമായാണ് ലഭിക്കുക. ഈ മാസം ഏഴു മുതല്‍ പ്രാബല്യത്തില്‍ വരുന്ന സംവിധാനം മൂല ഉംറ വിസ ഹജ്ജ് വിസയെ പോലെ പ്രിന്റ് മാത്രമാണ് ലഭിക്കുകയെന്ന് ഇന്ത്യയിലെ സഊദി വൈസ് കോണ്‍സല്‍ ജനറല്‍ ഫഹദ് ബിന്‍ സാഹിര്‍ അല്‍ അബ്ദലി അറിയിച്ചു.

ഇതോടെ വിസ പാസ്‌പോര്‍ട്ടില്‍ പതിക്കാന്‍ നില്‍ക്കേണ്ട ആവശ്യം ഉണ്ടാകുകയില്ല.

വിസ സ്റ്റാമ്പിങ് രംഗത്തെ ഈ പരിഷ്‌കരണം കോണ്‍സല്‍ ഓഫീസിലെ തിരക്ക് കുറയാന്‍ കാരണമാകുകയും അതിന്റെ ഫലയായി തന്നെ പെട്ടെന്ന് വിസ ലഭിക്കാന്‍ കാരണമാകുകയും ചെയ്യുമെന്നാണ് കരുതുന്നത്.

നിര്‍ദിഷ്ട പണമടച്ച ശേഷം വിസ പാസ്‌പോര്‍ട്ടില്‍ അടിക്കാന്‍ കാത്തു നില്‍ക്കേണ്ട ആവശ്യമില്ല. തുകയടച്ച ശേഷം പാസ്‌പോര്‍ട്ട് കോണ്‍സല്‍ ഓഫീസില്‍ സമര്‍പ്പിക്കണം പരിശോധന കഴിഞ്ഞു അപ്പോള്‍ തന്നെ പാസ്‌പോര്‍ട്ട് തിരികെ ലഭിക്കും. പിന്നീട് വിസ ഓണ്‍ലൈന്‍ ആയി പ്രിന്റ് എടുത്ത് സൂക്ഷിക്കുകയാണ് വേണ്ടത്.

നിലവിലെ കണക്കുകള്‍ പ്രകാരം ഇന്ത്യയിലെ മുംബൈ കോസ്‌റണിലെറ്റില്‍ നിന്ന് മാത്രമായി ദിനേന ഏഴായിരത്തോളം ഉംറ വിസയാണ് അനുവദിക്കുന്നത്. ഇവയെല്ലാം അപ്രൂവ് ചെയ്ത കഴിഞ്ഞാലും പാസ്‌പോര്‍ട്ടില്‍ വിസ പതിക്കാന്‍ കാലതാമസമെടുക്കല്‍ പതിവായിരുന്നു. ഇതിന് ഒരു പരിഹാരമാകുകയാണ് പുതിയ സംവിധാനത്തിലൂടെ.