കാസര്‍കോട്: ഭര്‍ത്താവും ഭാര്യയും രണ്ട് കുട്ടികളുമടക്കം ഒരു കുടുംബത്തിലെ നാലുപേരെ ഒരേ കയറില്‍ തൂങ്ങി മരിച്ച നിലയില്‍ കണ്ടെത്തി. ദേലംപാടി പഞ്ചായത്തിലെ അഡൂര്‍ എടപറമ്പ പി കുഞ്ചയിലെ കുഞ്ഞികണ്ണന്റെയും യശോദയുടെയും മകന്‍ രാധാകൃഷ്ണന്‍(40), ഇയാളുടെ ഭാര്യ പ്രസിത(32), മക്കളായ കാശിനാഥ് (05), ശബരിനാഥ് (2) എന്നിവരെയാണ് വീടിനകത്ത് മരിച്ച നിലയില്‍ കണ്ടെത്തിയത്.

വ്യാഴാഴ്ച വൈകുന്നേരം ഏഴോടെയാണ് സംഭവം. കാടുവെട്ട് തൊഴിലാളിയാണ് രാധാകൃഷ്ണന്‍. ആദൂര്‍ പൊലിസും ഉന്നത പൊലിസ് ഉദ്യോഗസ്ഥരും സംഭവ സ്ഥലത്തെത്തി. മരണകാരണം വ്യക്തമായിട്ടില്ല. ആദൂര്‍ പൊലിസ് ഇന്‍ക്വസ്റ്റ് നടത്തി.