കിഴിശ്ശേരി: ഗണപത് എ.യു.പി സ്‌കൂളില്‍ സ്‌നേഹപൂര്‍വം സുപ്രഭാതം പദ്ധതിക്ക് തുടക്കമായി. പത്രം സ്‌പോണ്‍സര്‍ ചെയ്യുന്ന കുഴിമണ്ണ പഞ്ചായത്ത് എസ്.വൈ.എസ് ട്രഷറര്‍ പനോളി ചെറി സാഹിബ് സ്‌കൂള്‍ ലീഡര്‍ക്ക് കോപ്പി നല്‍കി ഉദ്ഘാടനം ചെയ്തു. എന്‍.സി ഷരീഫ് പദ്ധതി വിശദീകരിച്ചു. എച്ച്.എം ടി. സന്തോഷ്, പി.ടി.എ പ്രസിഡന്റ് എം.സി ബാവ, കേരള യുവകലാ സാഹിത്യ സമിതി സംസ്ഥാന പ്രസിഡന്റ് പി.കെ ഗോപി, ലുഖ്മാന്‍ അരീക്കോട്, സുഹൈല്‍ അരീക്കോട്, പി.സി അഷ്‌റഫ്, ശിഹാബ് കുഴിഞ്ഞൊളം, ജഅ്ഫര്‍ സ്വാദിഖ് ഫൈസി, ഷംസീര്‍ ചുള്ളിക്കോട്, അബ്ദുല്‍ ഹക്കീം, മുസ്തഫ നിസാമി സംബന്ധിച്ചു.