പൊള്ളാച്ചി: പൊള്ളാച്ചി മാര്‍ക്കറ്റില്‍ വെറ്റിലക്ക് വന്‍ഡിമാന്റ്. വിളവെടുപ്പ് കുറഞ്ഞതിനാലാണ് മാര്‍ക്കറ്റിലെത്തിയ വെറ്റിലക്ക് വിലക്കയറ്റമുണ്ടായിട്ടുള്ളത്. ഒരുകൂട 10-12 കിലോ വെറ്റിലക്ക് കഴിഞ്ഞദിവസം മാര്‍ക്കറ്റില്‍ 1700-2300 രൂപക്കാണ് വില്‍പനയായത്. നാലിനങ്ങളിലുള്ള വെറ്റിലയില്‍ ഈറോഡ്, ധര്‍മ്മപുരി പ്രദേശങ്ങളില്‍ നിന്നുള്ള വെറ്റിലക്കാണ് വന്‍ഡിമാന്റ്  ഉണ്ടായിട്ടുള്ളത്.
    വെറ്റിലയുടെ വില വര്‍ദ്ധിച്ചതിനാല്‍ ചില്ലറ വില്‍പന ശാലകളില്‍ നിന്നും വെറ്റില അപ്രത്യക്ഷമാകുകയാണ്. വിവാഹ സദ്യകളിലും ക്ഷേത്ര ഉല്‍സവങ്ങളിലും പ്രധാന ഇനമായ വെറ്റിലയുടെ വിലക്കറ്റം അടുത്ത മാസങ്ങളില്‍ ആരംഭിക്കുന്ന വെറ്റില വിളവെടുപ്പോടെ ആരംഭിക്കുമെന്ന് പൊള്ളാച്ചി മാര്‍ക്കറ്റിലെ വ്യാപാരികള്‍ പറയുന്നു.