ആറ്റിങ്ങല്‍: വായനാ ദിനത്തില്‍ കവിതാ സമാഹാര പ്രകാശനം. അനിയാവ ബുക്‌സ് പുറത്തിറക്കിയ വിജയന്‍ പാലാഴിയുടെ സെറ്റപ്പ് എന്ന കവിതാ സമാഹാരം കവി കുരീപ്പുഴ ശ്രീകുമാര്‍ കെ.അജിത്കുമാറിന് നല്‍കിയാണ് പ്രകാശനം ചെയ്തത്.
മലയാള ശാല സാഹിത്യ സാംസ്‌കാരിക വേദിയുടെ ആഭിമുഖ്യത്തില്‍  ആറ്റിങ്ങല്‍ ടൗണ്‍ യു.പി.എസ്സില്‍ നടന്ന സമ്മേളനത്തില്‍ മലയാള ശാല പ്രസിഡന്റ് ബിനു വേലായുധന്‍ അധ്യക്ഷനായി. അഡ്വ. ബി.സത്യന്‍ എം.എല്‍.എ ഉദ്ഘാടനം ചെയ്തു.
ഗ്രന്ഥകാരന്റെ അമ്മ വി.എസ്.രാധാദേവി, ഭാര്യ വി.എസ്.ശ്രീജ എന്നിവര്‍ ചേര്‍ന്ന ഭദ്രദീപം തെളിച്ചു. അമര്‍ ആശുപത്രി എം.ഡി.ഡോ. പി.രാധാകൃഷ്ണന്‍ നായര്‍ വിജയികള്‍ക്ക് സമ്മാനങ്ങള്‍ വിതരണം ചെയ്തു.  കാര്യവട്ടം ശ്രീകണ്ഠന്‍ നായര്‍ മുഖ്യ പ്രഭാഷണവും ഡോ.ബി.എസ്.ബിനു പുസ്തക പരിചയം നടത്തി.
വായനാ ദിനാചരണത്തിന്റെ ഭാഗമായി യു.പി.വിദ്യാര്‍ഥികള്‍ക്കായി കവിത രചനാ മത്സരവും ചിത്ര രചനാ മത്സരവും നടന്നു.