ആലപ്പുഴ: മുന്‍ വര്‍ഷങ്ങളിലേത് പോലെ പേരുദോഷം കേള്‍പ്പിക്കാതെയാണ് കേരളത്തിലെ ആദ്യത്തെ ജലമേളയായ ചമ്പക്കുളം മൂലം വള്ളംകളി ഇത്തവണ നടന്നത്.
മുന്‍വര്‍ഷങ്ങളില്‍ സ്റ്റാര്‍ട്ടിംഗ് സംബന്ധിച്ചും ട്രക്കിലെ വളവിനെപ്പറ്റിയുമൊക്കെ തര്‍ക്കമുണ്ടായി വള്ളം അലങ്കോലപ്പെടുകയാണ് ഉണ്ടായിരുന്നതെങ്കില്‍ ഇത്തവണ അത് ഉണ്ടായില്ല.
തുഴച്ചില്‍ കാരും ബോട്ട് ക്ലബ്ബ് അംഗങ്ങളും ഒരേ മനസ്സോടെ നിന്നപ്പോള്‍ കൂട്ടായ്മയുടെ കേളികൊട്ടു കൂടിയായി ചമ്പക്കുളം മൂലം ജലമേള.മുന്‍വര്‍ഷങ്ങളേക്കാള്‍ വാശിയേറിയ ഫൈനല്‍ മത്സരമാണ് ഇത്തവണ നടന്നത്.
ക്രമീകരണങ്ങളും അച്ചടക്കവും കൊണ്ട് ജലമേള ഭംഗിയായപ്പോള്‍ ഉദ്ഘാടന ചടങ്ങില്‍ പ്രമുഖര്‍ എത്താതിരുന്നത് വള്ളംകളിയുടെ ആവേശം കെടുത്തി.