മലപ്പുറം: മഴക്കാലപൂര്‍വ ശുചീകരണത്തിന്റെ ഭാഗമായി ജില്ലാ ആരോഗ്യവകുപ്പ് ആരോഗ്യ സന്ദേശ യാത്ര നടത്തുന്നു. 13 മുതല്‍ 17വരെയാണ് യാത്ര. 13നു നിലമ്പൂരിലാണ് തുടക്കം. ദിവസേന മൂന്നു കേന്ദ്രങ്ങളില്‍ പൊതുസമ്മേളനം നടത്തും.
ആരോഗ്യ ബോധവല്‍ക്കരണ തെരുവുനാടകം, റാലി എന്നിവയും ഇതോടൊപ്പം നടത്തും. 17ന് വൈകിട്ട് അഞ്ചിന് മലപ്പുറത്തു സമാപിക്കും. വാര്‍ത്താസമ്മേളനത്തില്‍ ഡി.എം.ഒ ഡോ. കെ. സക്കീന, ഡെപ്യൂട്ടി ഡി.എം.ഒ ഡോ. കെ. മുഹമ്മദ് ഇസ്മാഈല്‍, ജില്ലാ മലേറിയ ഓഫിസര്‍ ബി.എസ് അനില്‍കുമാര്‍, ഡെപ്യൂട്ടി മാസ്മീഡിയ ഓഫിസര്‍ കെ.പി സാദിഖ് അലി, ടെക്‌നിക്കല്‍ അസിസ്റ്റന്റ് ടി. ഭാസ്‌കരന്‍ പങ്കെടുത്തു.