മുവാറ്റുപുഴ: എസ്.വൈ.എസ് മുവാറ്റുപുഴ മണ്ഡലം കമ്മിറ്റിയുടെ ആഭിമുഖ്യത്തില്‍ ഇന്നു വൈകിട്ട് അഞ്ചിന് രണ്ടാര്‍കര എസ്.എ.ബി.റ്റി.എം എല്‍.പി സ്‌കൂളില്‍ വച്ച് മണ്ഡലം ശാക്തീകരണ കണ്‍വന്‍ഷനും മജ്‌ലിസുന്നൂര്‍ സംഗമവും നടക്കും.
മജ്‌ലിസുന്നൂര്‍ സംഗമത്തിന് സയ്യിദ് ഷഫീക്ക് തങ്ങള്‍ ഫൈസി, എന്‍.കെ. മുഹമ്മദ് ഫൈസി, എം.യു. ഇസ്മായില്‍ ഫൈസി വണ്ണപ്പുറം, ഷിഹാബുദ്ദീന്‍ അല്‍ അമാനി, കെ.എം. അലിയാര്‍ മൗലവി, ചിലവ് ഫൈസല്‍ മൗലവി, മുഹിയദ്ദീന്‍ ബാഖവി, മുഹമ്മദ് ഫൈസി, അബൂബക്കര്‍ െൈഫസി പായിപ്ര, മുസ്തഫാ മൗലവി പെരുമറ്റം, അബ്ദുല്‍ കരീം മൗലവി മുളവീര്‍  തുടങ്ങി നിരവധി പണ്ഡിതന്മാര്‍ നേതൃത്വം നല്‍കും. തുടര്‍ന്നു നടക്കുന്ന കണ്‍വന്‍ഷനില്‍ ജില്ലാ നേതാക്കളായ അബ്ദുറഹിമാന്‍ കുട്ടി, കെ.കെ ഇബ്രാഹിം ഹാജി, എം.എം അലിയാര്‍ മാസ്റ്റര്‍, സൈനുദ്ദീന്‍ മാസ്റ്റര്‍, മുളവൂര്‍ ,മുഹമ്മദ് ഐരാറ്റില്‍ തുടങ്ങിയ നേതാക്കന്മാര്‍ പങ്കെടുക്കുമെന്നും മണ്ഡലം ജനറല്‍ സെക്രട്ടറി അലി പായിപ്ര അറിയിച്ചു.