മാള:  ഹാന്‍സ് മൊത്ത കച്ചവടം നടത്തിയ രണ്ടു പേരെ വാഹന പരിശോധനക്കിടെ മാള പൊലിസ് പിടികൂടി. വലപ്പാട് വലിയകത്ത് ഹാരിസ് (27) തമിഴ്‌നാട് സ്വദേശിയായ ശെല്‍വ മണി (21) എന്നിവരാണ് മാള പൊലിസിന്റെ പിടിയിലായത് .ഇവരില്‍ നിന്നും 1500 പാക്കറ്റ് ഹാന്‍സ് കണ്ടെടുത്തു.വാഹനത്തില്‍ എത്തി ജില്ലയുടെ പല ഭാഗങ്ങളില്‍ ചെറുകിട കച്ചവടക്കാര്‍ക്ക് വില്‍പന നടത്തുകയാണ് ഇവര്‍ ചെയ്യുന്നത്. തമിഴ്‌നാട്ടില്‍ നിന്നുമാണ് ഇവര്‍     ഹാന്‍സ്   കൊണ്ടുവരുന്നത്. ഓര്‍ഡര്‍ പ്രകാരം എത്തിച്ചു കൊടുക്കുകയാണ് ചെയ്യുന്നത്. ഇവര്‍ സഞ്ചരിച്ചിരുന്ന വാഹനവും പൊലിസ് കസ്റ്റഡിയിലെടുത്തു. മാള എസ്.ഐ ഇതിഹാസ് താഹയുടെ നേതൃത്വത്തില്‍ സീനിയര്‍ സി.പി.ഒ റോയ് പൗലോസ്, റോജു, ശ്യാം, ജോഷി എന്നിവരാണ് പ്രതികളെ പിടികൂടിയത്.