നെടുമ്പാശ്ശേരി: അന്താരാഷ്ട്ര വിമാനത്താവളത്തിലെ പുതിയ അന്താരാഷ്ട്ര ടെര്‍മിനലായ ' ടി-3' യില്‍ ആദ്യം എത്തിയത് മസ്‌ക്കത്തില്‍ നിന്നുള്ള യാത്രക്കാര്‍. മസ്‌കത്തില്‍ നിന്നുള്ള ജെറ്റ് എയര്‍വേയ്‌സിന്റെ 9 ഡബ്ലിയു 533 നമ്പര്‍ വിമാനം ഇന്നലെ വൈകീട്ട് 4.35 നാണ് നെടുമ്പാശ്ശേരിയിലെത്തിയത്.
വിമാനത്താവളത്തിലെ റെസ്‌ക്യു ആന്റ് ഫയര്‍ സര്‍വിസിന്റെ രണ്ട് ഇവാകോ മാഗിരസ് ഫയര്‍ എന്‍ജിനുകള്‍ ഈ വിമാനത്തിന് ജലാഭിവാദ്യം നല്‍കി. 4.50 ഓടെ വിമാനത്തില്‍ നിന്നും ഇറങ്ങി ടെര്‍മിനലിലെത്തിയ വിമാനജീവനക്കാരെയും യാത്രക്കാരെയും മുഖ്യമന്ത്രിയുടെ നേതൃത്വത്തില്‍ സ്വീകരിച്ചു.
ആദ്യ യാത്രക്കാരന്‍ ആനന്ദിന് മുഖ്യമന്ത്രി പ്രത്യേക ഉപഹാരവും നല്‍കി. ആദ്യ വിമാനത്തിലെ എല്ലാ യാത്രക്കാര്‍ക്കും പ്രത്യേക സമ്മാനങ്ങള്‍ നല്‍കിയാണ് ടെര്‍മിനലിലേക്ക് സ്വീകരിച്ചത്.