വെഞ്ഞാറമൂട്: കിണറ്റില്‍ വീണ ഭാര്യയെ രക്ഷപ്പെടുത്താന്‍ ഇറങ്ങിയ ഭര്‍ത്താവും  കുടുങ്ങി. ഫയര്‍ഫോഴ്‌സെത്തി ഇരുവരെയും രക്ഷിച്ചു.ആലിയാട് ശ്രീജ ഭവനില്‍ ശ്രീജ (28), ഭര്‍ത്താവ് മണികണ്ഠന്‍ (33) എന്നിവരെയാണ് വെഞ്ഞാറമൂട് ഫയര്‍ ഫോഴ്‌സെത്തി രക്ഷപെടുത്തിയത്.
വെള്ളിയാഴ്ച രാത്രി  ഒന്‍പത് മണിക്കാണ് സംഭവം. കിണറ്റില്‍ വീണ ശ്രീജയെ രക്ഷപ്പെടുത്താന്‍ ഭര്‍ത്താവ് മണികണ്ഠന്‍ കിണറ്റിലിറങ്ങിയെങ്കിലും തിരികെ കയറാന്‍ കഴിഞ്ഞില്ല. തുടര്‍ന്ന് നാട്ടുകാര്‍ വിവരമറിയിച്ചതനുസരിച്ച് വെഞ്ഞാറമൂട് ഫയര്‍ഫോഴ്‌സെത്തി വല ഉപയോഗിച്ച് രണ്ടു പേരെയും പുറത്തെടുത്ത് ആശുപത്രിയിലെത്തിക്കുകയായിരുന്നു. സ്റ്റേഷന്‍ ഓഫിസര്‍ പി.അനില്‍കുമാര്‍, ആര്‍.രാജേന്ദ്രന്‍ നായര്‍, സലീഷ്, രഞ്ജിത്, നിഷാന്ത്, രഞ്ജിത്, അഹമ്മദ് ഷാഫി അബ്ബാസി, ദേവസ്യ എന്നിവരടങ്ങിയ സംഘമാണ് രക്ഷാ പ്രവര്‍ത്തനം നടത്തിയത്.