ഡമസ്‌കസ്: ഡമസ്‌കസിലുണ്ടായ ഇരട്ട സ്‌ഫോടനത്തില്‍ നിരവധിയാളുകള്‍ കൊല്ലപ്പെട്ടു. നൂറിലേറെ പേര്‍ക്ക് പരുക്കേറ്റു. ശനിയാഴ്ചയാണ് സ്‌ഫോടനമുണ്ടായത്. ഇറാഖിലെ ശിയാ വിഭാഗത്തില്‍ പെട്ട തീര്‍ഥാടകരാണ് കൊല്ലപ്പെട്ടവരില്‍ ഭൂരിഭാഗവും. നഗരത്തിലെ പുരാതന ഖബറിസ്ഥാനായ ബാബുല്‍ സഹീറിന് സമീപമാണ് സംഭവം.
നാല്‍പത് പേരാണ് കൊല്ലപ്പെട്ടതെന്ന് ആശുപത്രികളെ ഉദ്ധരിച്ച് ആഭ്യന്തരമന്ത്രി മുഹമ്മദ് അല്‍ ശാര്‍ പറഞ്ഞു.
നാല്‍പത് ഇറാഖി പൗരന്‍മാര്‍ കൊല്ലപ്പെട്ടതായും 120 പേര്‍ക്ക് പരുക്കേറ്റതായും ഇറാഖ് വിദേശകാര്യ മന്ത്രാലയ വക്താവ് അഹമദ് ജമാല്‍ പറഞ്ഞു.
തീര്‍ഥാടകരുടെ വാഹനങ്ങള്‍ ലക്ഷ്യമാക്കിയാണ് സ്‌ഫോടനമുണ്ടായതെന്നാണ് റിപ്പോര്‍ട്ട്.