ഗൂഡല്ലൂര്‍: ലോക മുസ്‌ലിമിന്റെ അനിഷേധ്യനായ നായകനായിരുന്നു സയ്യിദ് മുഹമ്മദലി ശിഹാബ് തങ്ങളെന്ന് എസ്.കെ.എസ്.എസ്.എഫ് സംസ്ഥാന ഓര്‍ഗനൈസിങ് സെക്രട്ടറി ശുഹൈബ് നിസാമി പെരിയ ശോല പറഞ്ഞു. സര്‍വ മതസ്ഥരും ഒരു പോലെ ബഹുമാനിച്ച വ്യക്തിത്വമായിരുന്നു തങ്ങള്‍. എത്ര വലിയ പ്രതിസന്ധികളുമായി കൊടപ്പനക്കല്‍ തറവാട്ടില്‍ ആരെത്തിയാലും തിരിച്ച് പോകുന്നത് പുഞ്ചിരിക്കുന്ന മുഖവുമായി മാത്രമാണ്.മതമില്ലാത്തവനും മതമുള്ളവനും ഹിന്ദുവിനും ക്രിസ്ത്യാനിക്കും മുസ്‌ലിമിനും എന്നു വേണ്ട ലോക ജനതക്ക് തന്നെ ആശ്വാസത്തിന്റെ അവസാന വാക്കായിരുന്നു ആ മഹാനെന്നും അദ്ദേഹം കൂട്ടിച്ചേര്‍ത്തു.