തിരുവനന്തപുരം: നിയമസഭാ തെരഞ്ഞെടുപ്പുകളിലുണ്ടായ ബി.ജെ.പിയുടെ മുന്നേറ്റം രാജ്യത്തിന് അപകടമാണെന്ന് വി.എസ് അ്ച്യുതാനന്ദന്‍. ബി.ജെ.പിയുടെ പ്രവര്‍ത്തനം നാസികളുടേതിന് സമാനമാണ്. ഇനി മോദിയുടെ ഫാസിസ്റ്റ് നടപടികള്‍ക്ക് വേഗതയേറുമെന്നും വി.എസ് പറഞ്ഞു.

ഇത് രാജ്യത്തിന് അപകട സൂചനയാണ് നല്‍കുന്നതെന്നും ഇതിനെ നേരിടാന്‍ ഇടത് മതനിരപേക്ഷ പ്രസ്ഥാനങ്ങളുടെ കൂട്ടായ പ്രവര്‍ത്തനം ശക്തമാക്കണമെന്നും അദ്ദേഹം അഭിപ്രായപ്പെട്ടു.

മതനിരപേക്ഷ വോട്ടുകള്‍ ഭിന്നിപ്പിച്ചും വര്‍ഗീയ കാര്‍ഡ് ഇറക്കിയും കേന്ദ്രഭരണത്തിന്റെ സൗകര്യങ്ങള്‍ ദുരുപയോഗം ചെയ്തുമാണ് ബിജെപി വിജയം കരസ്ഥമാക്കിയിരിക്കുന്നത്. മതനിരപേക്ഷ പാര്‍ട്ടികളിലെ പടലപിണക്കവും വോട്ടുകള്‍ ഭിന്നിപ്പിച്ചു. അതിനാല്‍ നോട്ടുനിരോധനം അടക്കമുള്ള ജനവിരുദ്ധ നടപടികള്‍ക്കുള്ള അംഗീകാരമായി വിജയത്തെ കാണേണ്ടെന്നും വിഎസ് പറഞ്ഞു