കൊല്ലം: ലോക ഗ്ലോക്കോമ വാരത്തിന്റെ ജില്ലാതല ഉദ്ഘാടനം അഞ്ചല്‍ സാമൂഹ്യാരോഗ്യ കേന്ദ്രത്തില്‍ ഇന്ന് രാവിലെ ഒന്‍പതിന് വനംമൃഗസംരക്ഷണ വകുപ്പ് മന്ത്രി കെ. രാജു നിര്‍വഹിക്കും. ജില്ലാ മെഡിക്കല്‍ ഓഫിസ്, ജില്ലാ ആരോഗ്യകുടുംബക്ഷേ സൊസൈറ്റി, അഞ്ചല്‍ ബ്ലോക്ക് പഞ്ചായത്ത്, അഞ്ചല്‍ സാമൂഹികാരോഗ്യ കേന്ദ്രം എന്നിവയുടെ സംയുക്താഭിമുഖ്യത്തില്‍ നടത്തുന്ന പരിപാടിയില്‍ അഞ്ചല്‍ ബ്ലോക്ക് പഞ്ചായത്ത് പ്രസിഡന്റ് രഞ്ജു സുരേഷ് അധ്യക്ഷത വഹിക്കും.  
നേത്രപരിശോധനാ ക്യാംപ് അഞ്ചല്‍ ഗ്രാമപഞ്ചായത്ത് പ്രസിഡന്റ് സുജ ചന്ദ്രബാബു ഉദ്ഘാടനം ചെയ്യും. ജില്ലാ മെഡിക്കല്‍ ഓഫിസര്‍ ഡോ വി.വി ഷേര്‍ലി  മുഖ്യപ്രഭാഷണം നടത്തും. ഓഫ്താല്‍മോളജിസ്റ്റ് ഡോ. സിമി ശിവകുമാര്‍പിള്ള വിഷയാവതരണം നടത്തും. ജില്ലാ പഞ്ചായത്തംഗങ്ങളായ കെ സി ബിനു, ഒ. സരോജാദേവി, അഞ്ചല്‍ ബ്ലോക്ക്പഞ്ചായത്ത് വൈസ് പ്രസിഡന്റ് പി.ആര്‍ ബാലചന്ദ്രന്‍, ഗ്രാമപഞ്ചായത്ത് പ്രസിഡന്റുമാരായ കെ.സി ജോസ്, വി.ആര്‍ രാജന്‍, ഓമന മുരളി ബ്ലോക്ക് പഞ്ചായത്ത് പ്രസിഡന്റുമാരായ എം ഹംസ, ഡോ. എസ്. ഹരികുമാര്‍, ഡോ. മണികണ്ഠന്‍, ഡോ. വിജയശ്രീ, ജനപ്രതിനിധികള്‍ തുടങ്ങിയവര്‍ പങ്കെടുക്കും. ഡെപ്യൂട്ടി ഡി.എം.ഒ ഡോ. സി ആര്‍ ജയശങ്കര്‍ സ്വാഗതവും ഡോ. എസ് സജീവ് നന്ദിയും പറയും.