കോഴിക്കോട്: മുഹമ്മദ് റഫിയുടെ ഗാനങ്ങള്‍ അവതരിപ്പിച്ച് ശ്രദ്ധേയനായ യുവഗായകന്‍ അര്‍ഷാദ് നൈനാംവളപ്പിനെ മെയ് ഏഴിന് ജന്മനാട് ആദരിക്കുന്നു.
വൈകീട്ട് ഏഴിന് നൈനാംവളപ്പ് ടി.വി.എച്ച് ഹാളില്‍ നടക്കുന്ന പരിപാടി പ്രതിപക്ഷ ഉപനേതാവ് ഡോ. എം.കെ മുനീര്‍ എം.എല്‍.എ ഉദ്ഘാടനം ചെയ്യും. സിനിമാ സംവിധായകന്‍ വി.എം വിനു മുഖ്യാതിഥിയകും. കേരളത്തിലും തമിഴ്‌നാട്ടിലും നൂറിലധികം വേദികളില്‍ റഫിയുടെ ഗാനം അവതരിപ്പിച്ച 26 വയസുള്ള അര്‍ഷാദ് നൈാം വളപ്പ് ടി.വി അബ്ദുവിന്റെ മകനാണ്. മാപ്പിള പാട്ട് ആല്‍ബത്തിലും പാടിയിട്ടുണ്ട്. കോഴിക്കോട്ട് നടന്ന റഫി ഗാനാലാപന മത്സരത്തില്‍ ഒന്നാം സ്ഥാനം കരസ്ഥമാക്കിയ ഈ ഗായകനെ നൈാം വളപ്പ് മുസ്‌ലിം ലീഗ്, യൂത്ത് ലീഗ്, എം.എസ്.എഫ് കമ്മിറ്റികള്‍ ചേര്‍ന്നാണ് ചടങ്ങ് സംഘടിപ്പിക്കുന്നത്. തുടര്‍ന്ന് അര്‍ഷാദ് നയിക്കുന്ന റഫി നൈറ്റും അരങ്ങേറും.