ഇരിട്ടി: കത്വവ സംഭവത്തിന്‍ പ്രതിഷേധിച്ച് നടത്തിയ സോഷ്യല്‍ മീഡിയ ഹര്‍ത്താലുമായി ബന്ധപ്പെട്ട് പൊലിസിനെ ആക്രമിച്ചതുള്‍പ്പെടെയുള്ള സംഘര്‍ഷത്തില്‍ കര്‍ശന നടപടി സ്വീകരിച്ച ഇരിട്ടി പ്രിന്‍സിപ്പല്‍ എസ്.ഐയെ സ്ഥലം മാറ്റി.
എസ്.ഐ പി.സി സഞ്ചയ് കുമാറിനെ ചൊക്ലി പൊലിസ് സ്റ്റേഷനിലേക്ക് സ്ഥലം മാറ്റിക്കൊണ്ട് ഇന്നലെയാണ് ജില്ലാ പൊലിസ് മേധാവിയുടെ ഉത്തരവിറങ്ങിയത്
നവമാധ്യമ ഹര്‍ത്താലുമായി ബന്ധപ്പെട്ട് ഇരിട്ടിയില്‍ സംഘര്‍ഷങ്ങള്‍ ഒഴിവാക്കാന്‍ ചിലരെ മുന്‍കരുതല്‍ കസ്റ്റഡിയില്‍ എടുക്കുന്നതിനിടെ ഹര്‍ത്താലനുകൂലികള്‍ എസ്.ഐ ഉള്‍പ്പെടെയുള്ള പൊലിസ് സംഘത്തെ തടയുകയും മര്‍ദിക്കുകയും ചെയ്തിരുന്നു.
അക്രമത്തില്‍ എസ്.ഐക്ക് സാരമായി പരുക്കേല്‍ക്കുകയും ചെയ്തിരുന്നു.
സംഭവത്തെതുടര്‍ന്ന് ഒളിവില്‍ പോയ ബാക്കിയുള്ളവരെ പിടികൂടുന്നതിനിടയിലാണ് കൂടാളി വേശാല സ്വദേശിയായ സഞ്ചയ്കുമാറിനെ സ്ഥലം മാറ്റിയത്. സ്ഥലം മാറ്റത്തില്‍ ഉന്നത ഇടപെടലുകള്‍ ഉണ്ടോയെന്ന സംശയവും ജനങ്ങള്‍ ക്കിടയില്‍ പ്രതിഷേധത്തിനിടയാക്കിയിട്ടുണ്ട്.