ജിദ്ദ: സഊദി ദേശീയ വിമാന കമ്പനിയായ സഊദി അറേബ്യന്‍ എയര്‍ലൈന്‍സ് (സൗദിയ) വിമാനങ്ങളില്‍ യാത്രക്കാര്‍ക്ക് സൗജന്യ വാട്‌സ് ആപ് സേവനം. വിമാന യാത്രക്കിടെ സൗജന്യമായി വാട്‌സ് ആപ് ഉപയോഗിക്കാവുന്നതാണ്. മുഴുവന്‍ ആഭ്യന്തര സര്‍വീസുകളിലും തെരഞ്ഞെടുത്ത അന്താരാഷ്ട്ര സര്‍വീസുകളിലും പുതിയ സേവനം ലഭിക്കും. വൈഫൈ സേവനം ലഭ്യമായ വിമാനങ്ങളില്‍ മാത്രമാണ് പുതിയ സേവനം ലഭിക്കുക. വാട്‌സ്ആപിലൂടെ മെസേജുകള്‍ അയക്കുന്നതിന് മാത്രമാണ് പുതിയ സേവനം ലഭിക്കുക. വോയ്‌സ് മെസേജുകളും വീഡിയോ ക്ലിപ്പിംഗുകളും സൗജന്യമായി അയക്കുന്നതിനും സ്വീകരിക്കുന്നതിനും സാധിക്കില്ല. യാത്രക്കിടെ ബന്ധുക്കളുമായും സുഹൃത്തുക്കളുമായും സഹപ്രവര്‍ത്തകരുമായും മുടങ്ങാതെ ആശയവിനിമയം നടത്തുന്നതിന് പുതിയ സേവനം സഊദിയ യാത്രക്കാരെ സഹായിക്കും.