വളാഞ്ചേരി: മൊബൈല്‍ ഫോണ്‍ മോഷണം പതിവാക്കിയ യുവാവ് പിടിയില്‍. ചാവക്കാട് അഞ്ചങ്ങാടി പുളിക്കല്‍ നാസറി(37)നെയാണ് വളാഞ്ചേരി പൊലിസ് അറസ്റ്റ് ചെയ്തത്.വളാഞ്ചേരി ബസ് സ്റ്റാന്റ് പരിസരത്തുനിന്നും സംശയകരമായ സാഹചര്യത്തില്‍ കണ്ടതിനെ തുടര്‍ന്ന് പൊലിസ് ഇയാളെ പിടികൂടുകയായിരുന്നു.
ഇയാളില്‍ നിന്നു ഒന്‍പത് മൊബൈല്‍ ഫോണുകളും മൂന്ന് പേഴ്‌സും പൊലിസ് കണ്ടെടുത്തു.
ഉത്സവപറമ്പുകള്‍ കേന്ദ്രീകരിച്ച് മൊബൈല്‍ ഫോണുകളും പണം അടങ്ങിയ പേഴ്‌സും മോഷണം നടത്തുകയാണ് ഇയാളുടെ പതിവ് രീതിയെന്ന് പൊലിസ് പറഞ്ഞു. ഗുരുവായൂര്‍, തൃശ്ശൂര്‍, ചാവക്കാട്, ചങ്ങരംകുളം സ്റ്റേഷനുകളില്‍ ഇയള്‍ക്കെതിരേ കേസുകള്‍ നിലവിവുള്ളതായി പൊലിസ് അറിയിച്ചു. വിയ്യൂര്‍ സെന്‍ട്രല്‍ ജയിലില്‍ തടവു ശിക്ഷ അനുഭവിച്ചിട്ടുണ്ട്.പ്രതിയെ കോടതിയില്‍ ഹാജരാക്കി റിമാന്‍ഡ് ചെയ്തു.