മുക്കം: കഴിഞ്ഞ ദിവസം ഫലം പ്രഖ്യാപിച്ച എസ്.എസ്.എല്‍.സി പരീക്ഷയില്‍ കൊടിയത്തൂര്‍ പി.ടി.എം ഹയര്‍ സെക്കന്‍ഡറി സ്‌കൂളിലെ എസ്.പി.സി കേഡറ്റുകള്‍ക്ക് തിളക്കമാര്‍ന്ന വിജയം. 44 എസ്.പി.സി കേഡറ്റുകളില്‍ 35 വിദ്യാര്‍ഥികളും മുഴുവന്‍ വിഷയങ്ങളിലും എ പ്ലസ് നേടി. അഞ്ച് പേര്‍ 9 വിഷയങ്ങളിലും നാല് പേര്‍ 8 വിഷയങ്ങളിലും എ പ്ലസ് കരസ്ഥമാക്കി. സാമൂഹിക പ്രവര്‍ത്തന മേഖലകളിലും പാഠ്യേതര രംഗത്തും സജീവമായിരിക്കുമ്പോഴും പഠന മേഖലയില്‍ മികവ് പുലര്‍ത്തിയ യൂനിറ്റിനെ ഇ.എം.ഇ.എ സ്ഥാപനങ്ങളുടെ കോര്‍പറേറ്റ് മാനേജര്‍ സി.പി മുഹമ്മദ് കുട്ടി, താമരശ്ശേരി ഡിവൈ.എസ്.പി പി.സി സജീവന്‍, കൊടുവള്ളി സി.ഐ ചന്ദ്രമോഹന്‍, മുക്കം എസ്.ഐ കെ.പി അഭിലാഷ് അഭിനന്ദിച്ചു.