തിരുവനന്തപുരം: വരും മണിക്കൂറില്‍ സംസ്ഥാനത്ത് ശക്തമായ കാറ്റിനും മഴക്കും സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ്. പത്തനംതിട്ട, കോട്ടയം, ആലപ്പുഴ ജില്ലകളിലാണ് മഴക്ക് സാധ്യതയുള്ളത്. മണിക്കൂറില്‍ 40 കിലോമീറ്റര്‍ വരെ വേഗതയില്‍ വീശിയേക്കാവുന്ന ശക്തമായ കാറ്റും ഒപ്പം ഇടിമിന്നലും പ്രതീക്ഷിക്കുന്നുണ്ട്.

അതേസമയം കേരളത്തില്‍ ഇത്തവണ കാലവര്‍ഷമെത്തുമ്പോള്‍ മുന്‍ വര്‍ഷത്തേക്കാള്‍ കൂടുതല്‍ മഴ ലഭിക്കുമെന്ന് സ്വകാര്യ കാലാവസ്ഥ ഏജന്‍സി സ്‌കൈമെറ്റ് പറയുന്നു. ഉത്തര മലബാര്‍ ജില്ലകളായ കാസര്‍കോട്, കണ്ണൂര്‍, കോഴിക്കോട് എന്നിവിടങ്ങളില്‍ സാധാരണയില്‍ കൂടുതല്‍ മഴ ലഭിക്കുമെന്നാണ് പ്രവചനം.