പുത്തനത്താണി: വടക്കെ പല്ലാര്‍ മഹല്ല് എസ്.കെ.എസ്.എസ്.എഫ് ശിഫാ ഇസ്‌ലാമിക് സെന്റര്‍ ഏഴാം വാര്‍ഷികവും മജ്‌ലിസുന്നൂറും ഇന്നും നാളെയുമായി വൈരങ്കോട് കമ്മു മുസ്‌ലിയാര്‍ നഗറില്‍ നടക്കും. വൈകുന്നേരം ഏഴിന് മതപ്രഭാഷണം എസ്.കെ.എസ്.എസ്.എഫ് ഈസ്റ്റ് ജില്ലാ പ്രസിഡന്റ് പാണക്കാട് സയ്യിദ് ഹാശിറലി ശിഹാബ് തങ്ങള്‍ ഉദ്ഘാടനം ചെയ്യും. അല്‍ ഹാഫിള് ജാബിര്‍ എടപ്പാള്‍ മുഖ്യ പ്രഭാഷണം നടത്തും. നാളെ വൈകുന്നേരം ഏഴിന് മജ്‌ലിസുന്നൂര്‍ ആത്മീയ സംഗമം വി.കെ ഹാറൂണ്‍ റഷീദ് മാസ്റ്റര്‍ ഉദ്ഘാടനം ചെയ്യും. സുബൈര്‍ ഫൈസി മാവണ്ടിയൂര്‍ പ്രഭാഷണം നിര്‍വഹിക്കും. എം.വി ഇസ്മായീല്‍ മുസ്‌ലിയാര്‍ ദുആ മജ്‌ലിസിന് നേതൃത്വം നല്‍കും.