തലശ്ശേരി: മനുഷ്യര്‍ക്കിടയില്‍ സ്‌നഹവും സൗഹാര്‍ദവും വളര്‍ത്തിയെടുത്ത് രാജ്യ പുരോഗതിക്ക് കഠിനമായി പരിശ്രമിക്കേണ്ട കാലമാണിതെന്ന് മന്ത്രി കടന്നപ്പള്ളി രാമചന്ദ്രന്‍. മുസ്‌ലിം സര്‍വിസ് സൊസൈറ്റി സംഘടിപ്പിച്ച ഏകദിന ശില്‍പശാല ധര്‍മടം തുരുത്ത് റിസോര്‍ട്ടില്‍ ഉദ്ഘാടനം ചെയ്ത് സംസാരിക്കുകയായിരുന്നു മന്ത്രി. കെ മമ്മൂട്ടി അധ്യക്ഷനായി. ടി.കെ യൂനുസ്, എം.എം മോഹന്‍കുമാര്‍, കെ.വി ഉമ്മര്‍ ഫാറൂഖ് ക്ലാസെടുത്തു. കെ.ജി സത്താര്‍ അവാര്‍ഡ് ജേതാവായ പ്രൊഫ.എ.പി സുബൈറിനെ മന്ത്രി ആദരിച്ചു. പി അബ്ദുല്‍ റസാഖ്, അഡ്വ.പി.വി സൈനുദ്ദീന്‍, വി.പി അദ്ുല്‍ ജലീല്‍, ബി.ടി കുഞ്ഞു, എം ആബൂട്ടി, ഉസ്മാന്‍കുട്ടി, പി.ടി അബ്ദുല്‍ സലാം സംസാരിച്ചു.