കൊടുങ്ങല്ലൂര്‍: ശ്രീനാരയണപുരം പൊക്ലായിയില്‍ ഓട്ടോറിക്ഷയില്‍ കടത്തുകയായിരുന്ന 88 ലിറ്റര്‍ അനധികൃത വിദേശമദ്യം പിടികൂടി. സംഭവുമായി ബന്ധപ്പെട്ട് രണ്ടു പേരെ എക്‌സൈസ് സംഘം അറസ്റ്റ് ചെയ്തു. വാഹനപരിശോധനക്കിടയിലാണ് 176 കുപ്പികളിലായി സൂക്ഷിച്ചിരുന്ന പോണ്ടിച്ചേരി നിര്‍മിത വിദേഷമദ്യം പിടിച്ചെടുത്തത്. ചാമക്കാല കോവില്‍ തെക്കെവളപ്പില്‍ രാജേഷ്(39), കൂരികുഴി കോഴിപ്പറമ്പില്‍ സതീഷ്(39) എന്നിവരെയാണ് അറസ്റ്റ് ചെയ്തത്. മദ്യം കടത്താന്‍ ഉപയോഗിച്ച ഓട്ടോറിക്ഷയും കസ്റ്റഡിയിലെടുത്തിട്ടുണ്ട്.