തൃശൂര്‍: രക്തസമ്മര്‍ദ്ദം കൂടിയതിനെ തുടര്‍ന്ന് ആരോഗ്യ വകുപ്പ് മന്ത്രി വീണ ജോര്‍ജിനെ തൃശൂര്‍ മുളങ്കുന്നത്തുകാവ് ഗവ. മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. രാത്രി എട്ട് മണിയോടെയാണ് മന്ത്രിയെ മെഡിക്കല്‍ കോളജില്‍ കൊണ്ടുവന്നത്. ആശുപത്രിയിലെ പരിശോധനയില്‍ രക്തസമ്മര്‍ദ്ദം കൂടിയതാണെന്ന് വ്യക്തമായി.

പ്രാഥമിക ചികിത്സയും വിശ്രവും കഴിഞ്ഞ് അരമണിക്കൂറിന് ശേഷം മന്ത്രി തൃശൂര്‍ രാമനിലയത്തിലേക്ക് പോയി. ഉപതെരഞ്ഞെടുപ്പ് നടക്കുന്ന ചേലക്കര നിയമസഭ മണ്ഡലത്തില്‍ എല്‍.ഡി.എഫ് സ്ഥാനാര്‍ഥി യു.ആര്‍. പ്രദീപിന് വേണ്ടി ഞായറാഴ്ച മന്ത്രി വീണ ജോര്‍ജ് വിവിധയിടങ്ങളില്‍ പ്രചാരണ പരിപാടികളില്‍ പങ്കെടുത്തിരുന്നു.

Kerala Minister Veena George has been admitted to a medical college hospital for treatment, sparking concerns about her health [no specific information available].