ജിദ്ദ; ആപ്ലിക്കേഷനുകള്‍ വഴി ടാക്‌സി നിരക്കുകള്‍ അവലോകനം ചെയ്യുന്നതിനുള്ള പുതിയ സംവിധാനവുമായി സഊദി അറേബ്യ. ഗതാഗത, ലോജിസ്റ്റിക്‌സ് മന്ത്രി സലേഹ് അല്‍ജാസര്‍ രാജ്യത്ത് പൊതുഗതാഗത നിരക്കുകള്‍ നിശ്ചയിക്കുന്നതിനുള്ള നയത്തിന്റെ ആറാം അധ്യായത്തിലെ ഖണ്ഡിക 30 ഭേദഗതി ചെയ്യാനുള്ള തീരുമാനം പുറപ്പെടുവിച്ചു.

ടാക്‌സി മേഖലയില്‍ യാത്രക്കാരും ഓപ്പറേറ്റര്‍മാരും തമ്മില്‍ മെച്ചപ്പെട്ട സന്തുലിതാവസ്ഥ കൈവരിക്കുന്നതിനാണ് ഭേദഗതി ലക്ഷ്യമിടുന്നത്. പുതിയ ഭേദഗതികള്‍ക്ക് കീഴില്‍, ട്രാന്‍സ്‌പോര്‍ട്ട് ജനറല്‍ അതോറിറ്റി നിര്‍ദ്ദേശിച്ച നിരക്കുകള്‍ അംഗീകരിക്കുന്നതിന് 'അവലോകനം അംഗീകാരം' അടിസ്ഥാനമാക്കിയുള്ള ഒരു രീതി വികസിപ്പിച്ചെടുത്തിട്ടുണ്ട്.

ഇത്തരത്തില്‍ ടാക്‌സി സര്‍വീസ് നിരക്ക് നിര്‍ദ്ദേശങ്ങള്‍ തയാറാക്കി ഗതാഗത, ലോജിസ്റ്റിക്‌സ് മന്ത്രിയുടെ അംഗീകാരത്തിനായി സമര്‍പ്പിക്കും. ഇലക്ട്രോണിക് ആപ്ലിക്കേഷനുകളിലൂടെ ടാക്‌സി സര്‍വീസ് നിരക്കുകള്‍ നിര്‍ണ്ണയിക്കാനുള്ള സമാനമായ സംവിധാനവും ഇതില്‍ ഉള്‍പ്പെടുന്നുണ്ട്. ലൈസന്‍സികളും ടാക്‌സി മേഖലയില്‍ പ്രവര്‍ത്തിക്കുന്നവരും, ഇലക്ട്രോണിക് ആപ്ലിക്കേഷനുകള്‍ പ്രവര്‍ത്തിപ്പിക്കുന്ന സ്ഥാപനങ്ങളും അംഗീകൃത നിരക്കുകള്‍ പിന്തുടരുകയും അവ അപ്‌ഡേറ്റ് ചെയ്യുമ്പോള്‍ ഗുണഭോക്താക്കള്‍ക്കായി നിരക്കുകള്‍ പ്രസിദ്ധീകരിക്കുകയും ചെയ്യണം.

കൂടൂതൽ ​ഗൾഫ് വാർത്തകളറിയാൻ ഈ ഗ്രൂപ്പിൽ ജോയിൻ ചെയ്യുക

 Saudi Arabia has implemented a new system, enabling the review of taxi fares through mobile applications, aiming to enhance transparency and efficiency in the transportation sector.