പുത്തന്‍ചിറ:  കടലായി അന്‍വാറുല്‍ ഇസ്‌ലാം മദ്‌റസയില്‍ പറവകള്‍ക്കൊരു ഉറവ പദ്ധതി തുടങ്ങി.
 രൂക്ഷമാകുന്ന വേനലില്‍ ദാഹിച്ച് വലഞ്ഞ് കുടിനീര് തേടി അലയുന്ന  പക്ഷികള്‍ക്ക് ആശ്വാസമേകുന്നതിനായിട്ടാണ് കടലായി അന്‍വാറുല്‍ ഇസ്‌ലാം മദ്‌റസ എസ്.കെ.എസ്.ബി.വിയുടെ ആഭിമുഖ്യത്തില്‍ പറവകള്‍ക്കൊരു ഉറവ പദ്ധതി തുടങ്ങിയത്. പദ്ധതിയുടെ  ഉദ്ഘാടനം വൈദ്യ പ്രമുഖ് എന്‍.എം സുശ്രുതന്‍ വൈദ്യര്‍ നിര്‍വഹിച്ചു.
കടലായി മഹല്ല് ഖത്തീബ് സഅദ് ഹസന്‍ സഖാഫി അധ്യക്ഷനായി. സയ്യിദ് അബ്ദുല്‍ സമദ് തങ്ങള്‍. കടലായി സലീം മൗലവി, നജീബ്  അന്‍സാരി, സി.കെ സുഹൈല്‍ എന്നിവര്‍ പ്രസംഗിച്ചു. മദ്‌റസയിലെ എല്ലാ വിദ്യാര്‍ഥികളുടെ വീടുകളിലും പദ്ധതി പ്രാവര്‍ത്തികമാക്കണമെന്ന്  തീരുമാനിച്ചു.