തിരൂര്‍: ജലം അനുഗ്രഹമാണ് എന്ന പ്രമേയത്തില്‍ സുന്നീ യുവജന സംഘം ജില്ലാ കമ്മിറ്റി ആചരിക്കുന്ന ജലസംരക്ഷണ ദശദിന ബോധന കാംപയിന് തിരൂര്‍ നഗരസഭയില്‍ തുടക്കമായി. 19ന് യൂനിറ്റ് തലത്തില്‍ വീട് കേന്ദീകരിച്ച് ബോധവല്‍ക്കരണവും ബോധനപത്രിക വിതരണവും നടക്കും.
നഗരസഭാ തല ജല സംരക്ഷണ ക്യാംപയിന്‍ ബ്രോഷര്‍ എസ്.കെ.എസ്.എസ്.എഫ്  സംസ്ഥാന സെക്രട്ടറി പി.എം റഫീഖ് അഹമ്മദ്, പി ഇസ്മാഈല്‍ ഹാജിക്ക് നല്‍കി പ്രകാശനം ചെയ്തു. സി.പി അബൂബക്കര്‍ ഫൈസി അധ്യക്ഷനായി. തുറുവായില്‍ ബഷീര്‍ ഹാജി, നൗഷാദ് തെക്കെകളം, എ.കെ മുഹമ്മദലി, പി ത്വല്‍ഹത്ത്, സി.എച്ച് അബ്ദുല്ല കുട്ടി, കുട്ടു സാഹിബ്, ഗഫൂര്‍ ഹാജി, മൊയ്തുട്ടി, എം റസാഖ് സംസാരിച്ചു.