കോഴിക്കോട്: കച്ചവടക്കാരെ ഒഴിപ്പിച്ചു കൊണ്ട് പൈതൃക പദ്ധതി നടപ്പാക്കില്ലെന്ന് മേയര്‍ തോട്ടത്തില്‍ രവീന്ദ്രന്‍ പറഞ്ഞു.
        നഗരത്തില്‍ അടുത്ത കാലങ്ങളില്‍ നടന്ന തീപിടിത്തങ്ങളില്‍ സാഹസികമായി രക്ഷാപ്രവര്‍ത്തനം നടത്തിയവരെ ആദരിക്കുന്നതിന് കേരള വ്യാപാരി വ്യവസായി ഏകോപന സമിതി (ഹസന്‍ കോയ വിഭാഗം) സിറ്റി കൗണ്‍സിലും മിഠായിത്തെരുവ് സംരക്ഷണ സമിതി ആക്ഷന്‍ കമ്മിറ്റിയും സംയുക്തമായി സംഘടിപ്പിച്ച പരിപാടി ഉദ്ഘാടനം ചെയ്യുകയായിരുന്നു അദ്ദേഹം.
         മിഠായിതെരുവ് ഉല്ലാസത്തിനുള്ള കേന്ദ്രമായി മാറണമെന്നും പേടിക്കാതെ നടന്ന് പോവാനുള്ള സാഹചര്യം അവിടെ ഉണ്ടാവേണ്ടതുണ്ടെന്നും തുടര്‍ന്ന് സംസാരിച്ച അസിസ്റ്റന്റ് പോലിസ് കമ്മീഷണര്‍ അബ്ദുറസാഖ് അഭിപ്രായപ്പെട്ടു.
    സര്‍ക്കാര്‍ ഓഫിസുകള്‍ ജനോപകരപ്രദമാവേണ്ടതുണ്ട്. വില്ലേജ് പഞ്ചായത്ത് ഓഫിസുകളും പോലിസ് സ്‌റ്റേഷനുകളും നന്നായാല്‍ നാട് നന്നാവുമെന്നും അദ്ദേഹം പറഞ്ഞു. ജില്ലാ ഫയര്‍ ഓഫിസര്‍
  അരുണ്‍ ഭാസ്‌കര്‍, സ്‌റ്റേഷന്‍ ഓഫിസര്‍മാരായ കെ.എല്‍ ജോണി, പി. അജിത് കുമാര്‍, റോബി വര്‍ഗീസ്, അസിസ്റ്റന്റ് സ്‌റ്റേഷന്‍ ഓഫിസര്‍ വി.കെ ബിജു, ആര്യഭവന്‍ ഹോട്ടല്‍ മാനേജിങ് പാര്‍ട്ണര്‍ രൂപേഷ് കോളിയാട്ട് എന്നിവരെയും സി.ഐ.ടി.യു, ഐ.എന്‍.ടി.യു.സി ചുമട്ട് തൊഴിലാളികളേയും ചടങ്ങില്‍ ആദരിച്ചു.
മേയര്‍ തോട്ടത്തില്‍ രവീന്ദ്രന്‍,  അസിസ്റ്റന്റ് പൊലിസ് കമ്മീഷണര്‍ അബ്ദുറസാഖ് ഉപഹാര വിതരണം നടത്തി. മേയര്‍ക്ക് കെ. ഹസ്സന്‍കോയ ഉപഹാരം നല്‍കി. സിറ്റി കൗണ്‍സില്‍ പ്രസിഡന്റ് സി.എ റഷീദ് അധ്യക്ഷനായി. ആക്ഷന്‍ കമ്മിറ്റി പ്രസിഡന്റ് സി.എസ് നടരാജന്‍ അതിഥികളെ പരിചയപ്പെടുത്തി. ടി.പി അബ്ദുല്‍ ഷെഫീഖ്, കെ. സുനില്‍ കുമാര്‍,  കെ.പി അബ്ദുറസാഖ്, കെ.പി ശ്രീധരന്‍, അഡ്വ. ഉമ്മര്‍ക്കുട്ടി, എം. മുഹമ്മദ് ഹസ്സന്‍, മധുഗോറ, അബ്ദുല്‍ നാസര്‍ സംസാരിച്ചു.