ആലപ്പുഴ: ചെങ്ങന്നൂര്‍ ഉപതെരഞ്ഞെടുപ്പില്‍ എല്‍.ഡി.എഫ് സ്ഥാനാര്‍ഥിയായി സജി ചെറിയാന്‍ (സി.പി.എം) വരണാധികാരി ചെങ്ങന്നൂര്‍ ആര്‍.ഡി.ഒ എം.വി സുരേഷ്‌കുമാര്‍ മുന്‍പാകെ നാമനിര്‍ദേശ പത്രിക സമര്‍പ്പിച്ചു.
ചെങ്ങന്നൂര്‍ മുളക്കുഴ കൊഴുവല്ലൂര്‍ തെങ്ങുംതറയില്‍ ചെറിയാന്റെയും ശോശാമ്മയുടെയും മകനാണ് 52 വയസുള്ള സജി ചെറിയാന്‍. സ്വതന്ത്ര സ്ഥാനാര്‍ഥിയായി എറണാകുളം കളമശ്ശേരി സ്വദേശി നിപുണ്‍ ചെറിയാനും പത്രിക നല്‍കിയിട്ടുണ്ട്.