കരുനാഗപ്പള്ളി: ഐ.ആര്‍.ഇ രജിസ്റ്റര്‍ ചെയ്ത അയണിവേലിക്കുളങ്ങര വില്ലേജിലെ ടി.എസ് കനാലിന് കിഴക്കുവശമുള്ള ഇരുന്നൂറില്‍പ്പരം ഏക്കര്‍ സ്ഥലത്തെ ഖനന ലീസ് റദ്ദാക്കണമെന്ന് ഭൂഉടമകള്‍ ഉള്‍പ്പെട്ട ജനകീയ സമരസമിതിയുടെ സമരപ്രഖ്യാപന കണ്‍വന്‍ഷന്‍ ആവശ്യപ്പെട്ടു.
ആലപ്പാട് പ്രദേശത്തെ ഐ.ആര്‍.ഇയുടെ ഖനം മൂലവും കടലാക്രമണം മൂലവും കുടിയിറങ്ങേണ്ടി വന്നവരുള്‍പ്പെടെ ആയിരക്കണക്കിന് കുടുംബങ്ങള്‍ക്ക് ഇതുമൂലം കിടപ്പാടം നഷ്ടപ്പെടും.
കൊല്ലം കലക്ടറേറ്റില്‍ നടക്കാനിരിക്കുന്ന പ്രദേശവാസികളുടെ പബ്ലിക് ഹിയറിങ് തിയതി മാറ്റി കരുനാഗപ്പള്ളി താലൂക്ക് ഹെഡ് ക്വോട്ടേഴ്‌സിന് സമീപത്തേക്കു മാറ്റാന്‍ നടപടിയുണ്ടാകണമെന്നും കണ്‍വന്‍ഷന്‍ ആവശ്യപ്പെട്ടു.
നഗരസഭാ ചെയര്‍പേഴ്‌സണ്‍ എം.ശോഭന കണ്‍വെന്‍ഷന്‍ ഉദ്ഘാടനം ചെയ്തു. ജനകീയ സമരസമിതി ചെയര്‍മാന്‍ മുനമ്പത്ത് ഷിഹാബ് അധ്യക്ഷനായി.
സി,പി.എം ലോക്കല്‍ കമ്മിറ്റി സെക്രട്ടറി കെ. എസ് ഷറഫുദ്ദീന്‍ മുസ്‌ലിയാര്‍, കെ.ജി രവി, വൈ പൊടിക്കുഞ്ഞ്, ജഗത്ജീവന്‍ലാലി, കൗണ്‍സിലര്‍മാരായ വസുമതി, മുനമ്പത്ത് ഗഫൂര്‍, ജി സാബു, പനക്കുളങ്ങര സുരേഷ്, സമരസമിതി ഭാരവാഹികളായ എസ് ഉത്തമന്‍, റ്റി വി സനല്‍, രമണന്‍, നൗഷാദ് തേവറ, സന്തോഷ്‌കുമാര്‍, എച്ച്.ഷാജഹാന്‍, ജലന്ധര്‍, സജിബാബു, മുനീര്‍ഖാദിയാര്‍, ജോബ്, ഷാജിലക്ഷ്മണന്‍, കാര്‍ത്തിക് ശശി സംസാരിച്ചു.
കെ.സി വേണുഗോപാല്‍ എം.പി, ആര്‍ രാമചന്ദ്രന്‍ എം.എല്‍.എ, നഗരസഭാ ചെയര്‍പേഴ്‌സണ്‍ എം ശോഭന എന്നിവരെ മുഖ്യ രക്ഷാധികാരികളായും, കെ.ജി രവി, ഷറഫുദ്ദീന്‍ മുസ്‌ലിയാര്‍, വൈ.പൊടിക്കുഞ്ഞ്, ഖനമേഖലയിലെ നഗരസഭാ കൗണ്‍സിലര്‍മാര്‍, രക്ഷാധികാരികളും, മുനമ്പത്ത് ഷിഹാബ് ചെയര്‍മാനും, ജഗത്ജീവന്‍ലാലി ജന. കണ്‍വീനറും, എസ് ഉത്തമന്‍ വൈസ് ചെയര്‍മാനും ടി വിസനല്‍ ട്രഷറര്‍ ആയും, മുപ്പത്തിയഞ്ചംഗ എക്‌സിക്യുട്ടീവ് കമ്മിറ്റിയെയും തിരഞ്ഞെടുത്തു.