തൃപ്പൂണിത്തുറ: തൃപ്പൂണിത്തുറ സെന്റ് മേരീസ് ഫൊറോനാ പള്ളിയില്‍  19ന് നടക്കുന്ന വിശുദ്ധ യൗസേപ്പിതാവിന്റെ മരണത്തിരുനാള്‍  ആഘോഷവും നേര്‍ച്ചസദ്യയും വിപുലമായി നടത്തുന്നതിനുള്ള ഒരുക്കങ്ങള്‍ പൂര്‍ത്തിയായി.
സീയോന്‍ ഓഡിറ്റോറിയത്തിലും പുറത്തെ വലിയ പന്തലിലും ആണ് നേര്‍ച്ച സദ്യനടക്കുന്നത്. നേര്‍ച്ച വിഭവങ്ങള്‍  വെഞ്ചരിച്ചു കഴിഞ്ഞാല്‍ വിശ്വാസികള്‍ക്ക് എളുപ്പത്തില്‍ നേര്‍ച്ചഭക്ഷണം വാങ്ങുന്നതിന് സ്ത്രീകള്‍ക്കും പുരുഷന്മാര്‍ക്കും പ്രത്യേകം നിരകള്‍ ഒരുക്കിയിട്ടുണ്ട്.
18ന് വൈകിട്ട് 5.30ന് വിശുദ്ധ കുര്‍ബാനയെ  തുടര്‍ന്ന് വികാരി ഫാദര്‍ ജേക്കബ് പുതുശ്ശേരി തിരുനാള്‍ കൊടികയറ്റം നടത്തും. തിരുനാള്‍ ദിനമായ 19ന് രാവിലെ 9ന് ഫാദര്‍ ജെറിന്‍ പാലത്തിങ്കലിന്റെ മുഖ്യ കാര്‍മികത്വത്തില്‍ ആഘോഷമായ തിരുനാള്‍ പാട്ട് കുര്‍ബ്ബാന. 11 മണിക്ക് നേര്‍ച്ച സദ്യ വെഞ്ചരിപ്പും തുടര്‍ന്ന് നേര്‍ച്ചസദ്യയും ആരംഭിക്കും.
വികാരി ഫാദര്‍ ജേക്കബ് പുതുശ്ശേരി , ഫാദര്‍ ജിനു ചെത്തിമറ്റം, ഫാദര്‍ ലൂക്ക് പടിപ്പുരക്കല്‍ , പ്രസിഡണ്ട് ജോയി പൈലി പുത്തന്‍പുരക്കല്‍,  ജനറല്‍ സെക്രട്ടറി പീറ്റര്‍ പേരേപ്പറമ്പില്‍, ട്രഷറര്‍ എം.ജെ.ബാബു മുല്ലക്കര  എന്നിവര്‍ ഭാരവാഹികളായുള്ള വിവിധ കമ്മിറ്റികള്‍ നേര്‍ച്ചസദ്യക്ക് നേതൃത്വം നല്‍കും.