ചെറുവത്തൂര്‍: രക്തദാനത്തിന്റെ മഹത്വം തിരിച്ചറിഞ്ഞു മാതൃകാപരമായ തീരുമാനവുമായി പടന്ന ഷറഫ് കോളജ് വിദ്യാര്‍ഥികള്‍. ഒരു വര്‍ഷം ചുരുങ്ങിയത് അറുപതു പേരെങ്കിലും രക്തദാനം ചെയ്യുമെന്ന തീരുമാനമാണു കൈക്കൊണ്ടിരിക്കുന്നത്. ഇതിനു തുടക്കം കുറിച്ച്  എന്‍.എസ്.എസ് യൂനിറ്റ് ജില്ലാ ആശുപത്രി ബ്ലഡ് ബാങ്കുമായി സഹകരിച്ച് രക്തദാന ക്യാംപ് സംഘടിപ്പിച്ചു.  നീലേശ്വരം സി.ഐ വി ഉണ്ണികൃഷ്ണന്‍ ഉദ്ഘാടനം ചെയ്തു. കോളജ് പ്രിന്‍സിപ്പല്‍ ഡോ.വി ഗംഗാധരന്‍ അധ്യക്ഷനായി. ഡോ.സംഗീത പദ്ധതി വിശദീകരണം നടത്തി. കെ സുരേഷ് കുമാര്‍, ടി.പി മുത്തലീബ്, എസ്.സി മഹമ്മൂദ്, എ.എം ശരീഫ് ഹാജി, ഹുഫൈദ്, രജീഷ് കോറോത്ത്, അഞ്ചു സംസാരിച്ചു.