കാസര്‍കോട്: ഏപ്രില്‍ 14, 15, 16 തിയതികളില്‍ കാസര്‍കോട് തളങ്കര ഹുദൈബിയ്യയില്‍ നടക്കുന്ന എസ്.കെ.എസ്.എസ്.എഫ് ജില്ലാ സമ്മേളനത്തിന്റെ ഭാഗമായി കാസര്‍കോട് മേഖല കമ്മിറ്റി മേഖല പരിധിയിലുള്ള ഭൗതിക കലാലയങ്ങളില്‍ പ്രവാചക സന്ദേശവുമായി പര്യടനം നടത്തും.  പ്രവാചക ചരിത്ര പുസ്തകം കാംപസുകളിലെ ലൈബ്രററിയിലേക്കു കൈമാറും.മേഖലാ പ്രസിഡന്റ ഹാരിസ് ബെദിര, ജനറല്‍ സെക്രട്ടറി ഇര്‍ഷാദ് ഹുദവി ബെദിര, ട്രഷറര്‍ ശിഹാബ് അണങ്കൂര്‍ , വര്‍ക്കിങ് സെക്രട്ടറി സുഹൈല്‍ ഫൈസി കമ്പാര്‍ എന്നിവര്‍ നേതൃത്വം നല്‍കും.