വിദ്യാനഗര്‍: നിയമസഭാ തെരഞ്ഞെടുപ്പു ദിവസം പൊലിസ് ജീപ്പും എം.എല്‍.എയുടെ വാഹനവും തകര്‍ത്ത കേസില്‍ ഒരാളെ കൂടി പൊലിസ് അറസ്റ്റ് ചെയ്തു. പൊയിനാച്ചിയിലെ രാമകൃഷ്ണനാ(45) ണ് അറസ്റ്റിലായത്. മെയ് 16ന് തെക്കില്‍പറമ്പ ഗവ. യു.പി സ്‌കൂളിനു സമീപം നിര്‍ത്തിയിട്ടിരുന്ന കെ കുഞ്ഞിരാമന്‍ എം.എല്‍.എയുടെ കാറും പൊലിസ് ജീപ്പും തകര്‍ത്ത കേസിലാണ് അറസ്റ്റ്.
ഈ കേസില്‍ നേരത്തെ പൊയിനാച്ചി സ്വദേശികളായ പ്രദീഷ് (35), മണികണ്ഠന്‍(40), പി.എം രാജീവ്(32), ബാബു(32) എന്നിവരെ വിദ്യാനഗര്‍ എസ്.ഐ പി അജിത് കുമാറിന്റെ നേതൃത്വത്തില്‍ അറസ്റ്റ് ചെയ്തിരുന്നു.