പാനൂര്‍: 13 വര്‍ഷക്കാലത്തോളമായി 225 രൂപക്ക് ജോലിചെയ്യുന്ന പാനൂര്‍ സാമൂഹിക ആരോഗ്യ കേന്ദ്രത്തിലെ താത്കാലിക ജീവനക്കാരുടെ കൂലി വര്‍ധിപ്പിച്ച് ജീവനക്കാരുടെ മനുഷ്യാവകാശം സംരക്ഷിക്കണമെന്ന് ആവശ്യപ്പെട്ട് പാനൂര്‍ നഗരസഭാ സെക്രട്ടറിക്ക് ഹുമന്‍ റൈറ്റ്‌സ് പ്രൊട്ടക്ഷന്‍ മിഷന്‍ സംസ്ഥാന ജോയിന്റ് സെക്രട്ടറി ഇ.മനീഷ് നിവേദനം നല്‍കി.
8 ജീവനക്കാരില്‍ 450 ,375 രൂപ നല്‍കുന്ന രണ്ട് ജീവനക്കാര്‍ ഒഴികെ മറ്റു ആറു ജീവനക്കാര്‍ക്ക് 225 രൂപയാണ് നല്‍കുന്നത്. തുച്ഛമായ 225 രൂപ കൊണ്ട് അവരുടെ കുടുംബം മുന്നോട്ടുകൊണ്ടുപോകുന്നതിന് വളരെ പ്രയാസകരമാണ്. ദിവസം തോറും ഒ.പിയില്‍ നാലായിരത്തിലധികം രൂപയോളം വരുമാനം ഉണ്ടെന്നു നിവേദനത്തില്‍ ചൂണ്ടിക്കാണിക്കുന്നു. താല്‍ക്കാലിക ജീവനക്കാരുടെ ദിവസവേതനം ഏകീകരിച്ചുകൊണ്ട് ഉത്തരവു പുറപ്പെടുവിക്കണമെന്നും. നിവേദനത്തില്‍ ആവശ്യപ്പെടുന്നു.