കൊടുവള്ളി: കരുവന്‍പോയിലില്‍ തെരുവുനായ്ക്കള്‍ ആടിനെ കടിച്ചു കൊന്നു. ആക്കോത്ത് അബ്ദുറഹ്മാന്‍ മുസ്‌ലിയാരുടെ ആടിനെയാണ് മരക്കൂട് തകര്‍ത്ത് അകത്ത് കയറി കടിച്ചുകൊന്നത്. കഴിഞ്ഞ ദിവസം അര്‍ധരാത്രിയായിരുന്നു  സംഭവം. ഏതാനും ദിവസം മുന്‍പ് തെരുവുനായക്കളുടെ ആക്രമണത്തില്‍ സ്ത്രീക്ക് പരുക്കേറ്റിരുന്നു.
 പ്രദേശത്ത് തെരുവ് നായ ശല്യം  രൂക്ഷമായ സാഹചര്യത്തില്‍ നഗരസഭ അടിയന്തര നടപടി സ്വീകരിക്കണമെന്ന് നാട്ടുകാര്‍ ആവശ്യപ്പെട്ടു.