മണ്ണഞ്ചേരി: സമസ്തയുടെ പ്രീപ്രൈമറി വിദ്യാഭ്യാസ രംഗത്തെ പുതിയ കാല്‍വെപ്പായ അല്‍ബിര്‍റ് ഇസ്്‌ലാമിക് പ്രീസ്‌കൂളുകള്‍ കാലഘട്ടത്തിന്റെ അനിവാര്യതയെന്ന് പാണക്കാട് സയ്യിദ് അബ്ബാസലി തങ്ങള്‍ പറഞ്ഞു .
മണ്ണഞ്ചേരി ചിയാംവെളി ഇര്‍ഷാദുല്‍ ഇസ്ലാം ജുമുഅ മസ്ജിദ് കമ്മിറ്റി തുടങ്ങുന്ന ജില്ലയിലെ ആദ്യ അല്‍ബിര്‍റ് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
മസ്ജിദ് പ്രസിഡന്റ് ഇ.എ.യൂസുഫ് അധ്യക്ഷനായി. ഖത്തീബ് സക്കീര്‍ ഹുസൈന്‍ അല്‍ അസ്ഹരി ആമുഖ പ്രഭാഷണം നടത്തി.
സമസ്തയില്‍ മദ്‌റസ രജിസ്റ്റര്‍ ചെയ്തതിന്റെ ഗോള്‍ഡണ്‍ ജൂബിലി ആഘോഷങ്ങള്‍ക്ക് സമാപനം കുറിച്ചു.തുടര്‍ന്ന് നടന്ന സ്വലാത്ത് മജ്‌ലിസുന്നൂര്‍ വാര്‍ഷിക ദുആ സമ്മേളനത്തിന് സയ്യിദ് ഹുസൈന്‍ ആറ്റക്കോയ തങ്ങള്‍ അല്‍ അസ്ഹരി നേതൃത്തം നല്‍കി.
സയ്യിദ് ജൗഹര്‍ കോയ തങ്ങള്‍,സെയ്ദലവി അല്‍ അമാനി കണ്ണൂര്‍,കുന്നപ്പള്ളി മജീദ്,എ.ഇബ്‌റാഹീം കുട്ടി മൗലവി,മുഹമ്മദ് മുസ്ലിഹ് ബാഖവി,സി.എസ്.സഫീര്‍ മുസ്ലിയാര്‍,അലി അസ്ലമി,ബഷീര്‍ എടാട്ട്,പി.യു.ഷറഫ്കുട്ടി,എ.എം.ഹനീഫ്,എസ്.മുഹമ്മദ് സാലിഹ്,എം.മുജീബ് റഹ്മാന്‍,ഇ.എച്ച്.ഷാജഹാന്‍,എ.സെയ്ദ് മുഹമ്മദ്,ബി.എ.ബഷീര്‍,നവാസ് തെക്കേച്ചിറ തുടങ്ങിയവര്‍ സംസാരിച്ചു. ജനറല്‍ സെക്രട്ടറി റ്റി.എച്ച്.നാസര്‍ സ്വാഗതവും സെക്രട്ടറി ശഫീഖ് മണ്ണഞ്ചേരി നന്ദിയും പറഞ്ഞു.