മൂവാറ്റുപുഴ: മധ്യവയസ്‌കനെ പുരയിടത്തില്‍ കഴുത്തറുത്ത നിലയില്‍ കണ്ടെത്തി. മാറാടി പുല്‍പറമ്പ് കൊന്നയ്ക്ക്കാല്‍ ഉണ്ണികൃഷണനെ(44) ആണ് ഇന്ന് രാവിലെ ആറോടെ വിടിന് സമീപത്തെ പുരയിടത്തില്‍ കണ്ടെത്തിയത്. കഴുത്ത് മുറിക്കാന്‍ ഉപയോഗിച്ചതെന്ന് കരുതുന്ന കത്തിയും സമീപത്ത് നിന്നും പൊലിസ് കണ്ടെടുത്തിട്ടുണ്ട്.
രക്തം വാര്‍ന്ന് അവശനിലയില്‍ കിടന്ന ഉണ്ണികൃഷ്ണനെ നാട്ടുകാര്‍ കോലഞ്ചേരി മെഡിക്കല്‍ കോളജില്‍ പ്രവേശിപ്പിക്കുകയായിരുന്നു. നാല് വര്‍ഷം മുമ്പ് ഭാര്യ മരിച്ചിരുന്നു. ഇതേ തുടര്‍ന്ന് മനോവിഷമത്തിലായിരുന്നു ഉണ്ണികൃഷണനെന്ന് ബന്ധുക്കള്‍ പറയുന്നു. ഭാര്യയുടെ മൃതദേഹം അടക്കം ചെയ്തിരിക്കുന്നതിന് സമീപത്താണ് ഉണ്ണികൃഷ്ണനെയും കണ്ടെത്തിയത്. പോലിസ് കേസെടുത്ത് അന്വഷണം ആരംഭിച്ചു.