കൊച്ചി: എറണാകുളം ലോ കോളജില്‍ വിദ്യാര്‍ഥികള്‍ സംഘം തിരിഞ്ഞ് ഏറ്റുമുട്ടി. സ്‌പോര്‍ട്‌സ് ഡേ പരിപാടികളുമായി ബന്ധപ്പെട്ട് നടന്ന തര്‍ക്കങ്ങളാണ് ഏറ്റുമുട്ടലില്‍ കലാശിച്ചത്.
 ക്രിക്കറ്റ് മത്സരത്തിനിടെ ഒരു വിഭാഗം വിദ്യാര്‍ഥികള്‍ മത്സരം തടസ്സപ്പെടുത്താന്‍ ശ്രമിക്കുകയായിരുന്നു. ഇതുമായി ബന്ധപ്പെട്ട് മത്സരത്തിനിടെ തന്നെ അസ്വാരസ്യങ്ങള്‍ ഉണ്ടായെങ്കിലും കളി തുടര്‍ന്നു. എന്നാല്‍ മത്സരം കൂടുതല്‍ തടസ്സപ്പെടുന്ന ഘട്ടമെത്തിയപ്പോള്‍ കളി അവസാനിപ്പിച്ചു.
തുടര്‍ന്ന് മടങ്ങുന്ന വഴി സംഘമായി എത്തിയ വിദ്യാര്‍ഥികള്‍ ത്രിവത്സര എല്‍.എല്‍.ബി വിദ്യാര്‍ഥിയായ അക്ഷയ് ഹരിയെ തടഞ്ഞു നിര്‍ത്തിയ ശേഷം മര്‍ദിക്കുകയായിരുന്നു. തുടര്‍ന്ന് മറ്റു വിദ്യാര്‍ഥികളും എത്തിയതോടെ സംഭവം രൂക്ഷമാകുകയായിരുന്നു.
പഞ്ചവത്സര, ത്രിവത്സര എല്‍.എല്‍.ബി വിദ്യാര്‍ഥികള്‍ ചേരി തിരിഞ്ഞാണ് ഏറ്റുമുട്ടിയത്. പൊലിസെത്തി സ്ഥിതിഗതികള്‍ ശാന്തമാക്കി