പാരീസ്:  പാരീസില്‍ അക്രമിയുടെ കുത്തേറ്റ് ഒരാള്‍ മരിച്ചു. ശനിയാഴ്ച പ്രാദേശിക സമയം രാത്രി 9:30നാണ് സംഭവമുണ്ടായത്. രാത്രി വിനോദങ്ങളുടെ പ്രധാനകേന്ദ്രമായ സന്റെല്‍ പാരീസിലാണ് ആക്രമണമുണ്ടായത്. അക്രമിയെ പൊലിസ് വെടിവെച്ചുകൊന്നു. ആക്രമണത്തിന്റ ഉത്തരവാദിത്വം ഐ.എസ് ഏറ്റെടുത്തിട്ടുണ്ട്. ഇവിടേക്കാണ് കത്തിയുമായി അക്രമി എത്തിയത്.

 പൊലിസ് ഇയാളെ തടയാന്‍ ശ്രമിച്ചുവെങ്കിലും പരാജയപ്പെട്ടതിനെ തുടര്‍ന്ന് വെടിവച്ച് കൊല്ലുകയായിരുന്നു. അക്രമിയില്‍ നിന്ന് രക്ഷപ്പെടാന്‍ആളുകള്‍ ഒളിച്ചിരുന്ന റസ്‌റ്റോറന്റുകളിലേക്കും കഫേകളിലേക്കും ഇയാള്‍ കടക്കാന്‍ ശ്രമിച്ചുവെങ്കിലും ജനങ്ങള്‍ ഈ നീക്കത്തെ പരാജയപ്പെടുത്തി. അക്രമത്തെ അപലപിച്ച ഫ്രഞ്ച് പ്രസിഡന്റ് ഇമാനുവല്‍ മാക്രോണ്‍ കര്‍ശന നടപടി ഉണ്ടാവുമെന്നും അറിയിച്ചു.