ആലപ്പുഴ : ഇര്‍ഷാദ് മസ്ജിദ് ഓഡിറ്റോറിയത്തില്‍ നടന്ന സമസ്ത ആദര്‍ശ കാംപയിന്റെ ഭാഗമായുളള ദക്ഷിണ മേഖല സംഗമം വിഷയ വൈവിധ്യം കൊണ്ടും പ്രവര്‍ത്തക ബാഹുല്യം കൊണ്ടും ശ്രദ്ധേയമായി.
സൗഹാര്‍ദത്തിന്റെയും നന്മയുടെയും സന്ദേശം ഉള്‍ക്കൊണ്ട് പാരമ്പര്യം മുറുകെ പിടിക്കാന്‍ കഴിയണമെന്ന് സമസ്ത അധ്യക്ഷന്‍ സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ ഉദ്ഘാടനം പ്രസംഗത്തില്‍ പറഞ്ഞു.
'അഹ്‌ലുസുന്ന വല്‍ജമാഅ' എന്ന വിഷയത്തില്‍ സമസ്ത സെക്രട്ടറി ഉമര്‍ മുസ്‌ലിയാര്‍ കൊയ്യോട് വിഷയാവതരണം നടത്തി.പാരമ്പര്യത്തിന്റെ തനിമ നിലനിര്‍ത്താന്‍ പൂര്‍വികരുടെ പാതയില്‍ അണിചേരണമെന്നും പുതിയ കാലത്തിന്റെ വെല്ലുവിളികളെ ഉള്‍ക്കൊണ്ട് മുന്നോട്ട് പോകാന്‍ കഴിയണമെന്നും അദ്ദേഹം പറഞ്ഞു.
'മുജാഹിദ് പ്രസ്ഥാനം അപചയങ്ങള്‍ക്ക് മധ്യേ' എന്ന വിഷയത്തില്‍ എം.ടി. അബൂബക്കര്‍ ദാരിമി പ്രഭാഷണം നടത്തി. സി.മുഹമ്മദ് അല്‍ഖാസിമി അധ്യക്ഷനായി. സയ്യിദ് ഹദിയത്തുല്ലാ തങ്ങള്‍ അല്‍ ഐദ്രൂസി പതാക ഉയര്‍ത്തി. ജനറല്‍ കണ്‍വീനര്‍ പി.എ. ഷിഹാബുദീന്‍ മുസ്‌ലിയാര്‍ സ്വാഗതം പറഞ്ഞു. ഐ.ബി ഉസ്മാന്‍ ഫൈസി, ജഅ്ഫര്‍ മൗലവി, മുഹമ്മദ് ഹനീഫാ ബാഖവി , കെ.എ നിസാമുദ്ധീന്‍ ഫൈസി , സയ്യിദ് അബ്ദുല്ല തങ്ങള്‍ അല്‍ ഐദറൂസി ,എം എ അബ്ദുല്‍ റഹ്മാന്‍ അല്‍ഖാസിമി ,കുമ്മനം നിസാമുദീന്‍ അല്‍ ഖാസിമി ,ഇ.എസ്. ഹസന്‍ ഫൈസി,മൂസല്‍ ഫൈസി, ഉസ്മാന്‍ സഖാഫി പ്രസംഗിച്ചു.
ഫൈസല്‍ ഷംസുദ്ധീന്‍ ,സിയാദ് വലിയകുളം, എ.എം.എം. റഹ്മത്തുല്ലാഹ് മുസ്്‌ലിയാര്‍ ആലപ്പുഴ, അഹമ്മദ് അല്‍ഖാസിമി ,എ.എം.എം. ശാഫി റഹ്മത്തുല്ലാഹ് ആലപ്പുഴ, നിസാര്‍ പറമ്പന്‍ ആലപ്പുഴ, മുജീബ് റഹ്മാന്‍ മണ്ണഞ്ചേരി, സജീര്‍ മുസ്്‌ലിയാര്‍ ആലപ്പുഴ, ബാബു ഷെരീഫ് വലിയമരം,എന്‍.പി.എ. നാസിര്‍ മുസ്്‌ലിയാര്‍ , ബഷീര്‍ മുസ്്‌ലിയാര്‍ ചന്തിരൂര്‍, ബി. സൈനുദ്ദീന്‍ ,പി.എ. അബൂബക്കര്‍ എസ്.എം.ജെ,വി.എസ്. ഷംസുദ്ദീന്‍, ഇ.എന്‍.എസ്. നവാസ്, റഹീം വടക്കേവീട്, യു. അഷ്‌റഫ് , അബ്ദുല്ല ഫൈസി ചന്തിരൂര്‍, എ.എം. നവാബ് കാക്കാഴം, എം.കെ. നവാസ്, ഉമ്മര്‍ ആയാംപറമ്പില്‍, എ.എം. സുധീര്‍ മുസ്്‌ലിയാര്‍, എസ്. ഷാജഹാന്‍ കുന്നുംപുറം, ഐ. മുഹമ്മദ് മുബാഷ്, റിഫാസ് സിദ്ദിഖ്, എം. ബാബു വലിയമരം,രാജാ കരീം, ഫൈസല്‍ തെക്കേമുറി, റാഫി വലിയകുളം, അമീര്‍ മുല്ലാത്ത്, നാസിം വലിയമരം പങ്കെടുത്തു.