എടപ്പാള്‍: തിയറ്ററില്‍ പ്രായപൂര്‍ത്തിയായ പെണ്‍കുട്ടി പീഢനത്തിനിരയായ സംഭവത്തില്‍ പരാതി ലഭിച്ച് 15 ദിവസം കഴിഞ്ഞിട്ടും നടപടിയെടുക്കാത്ത പൊലിസിന്റെ നടപടിയില്‍ പ്രതിഷേധിച്ച് യൂത്ത് കോണ്‍ഗ്രസ് പ്രവര്‍ത്തകര്‍ പൊലിസ് സ്റ്റേഷന്‍ ഉപരോധിച്ചു. രാത്രി വൈകിയും ഉപരോധം തുടരുകയാണ്.
ചങ്ങരംകുളത്ത് നിന്നും പ്രകടനമായി എത്തിയ പ്രവര്‍ത്തകര്‍ സ്റ്റേഷനിലേക്ക് തള്ളിക്കയറാന്‍ ശ്രമിച്ചെങ്കിലും നേതാക്കള്‍ ഇടപെട്ട് തടഞ്ഞു. തുടര്‍ന്ന് നേതാക്കള്‍ സ്റ്റേഷനിലെത്തിയ തിരൂര്‍ ഡി.വൈ.എസ്.പി ബിജു ഭാസ്‌കുമായി ചര്‍ച്ച നടത്തി. എസ്.ഐക്കെതിരേ വകുപ്പ്തല നടപടിയുണ്ടാകുമെന്ന് ഉറപ്പ് ലഭിച്ചെതായി നേതാക്കള്‍ അറിയിച്ചെങ്കിലും ഉപരോധം അവസാനിപ്പിക്കാന്‍ പ്രവര്‍ത്തകര്‍ തയാറായില്ല.