കോട്ടയം: മലപ്പുറത്തു നടക്കുന്ന ഉപതെരഞ്ഞെടുപ്പില്‍ മുസ്‌ലിം ലീഗിനെ പിന്തുണയ്ക്കാന്‍ കേരളാ കോണ്‍ഗ്രസ് എമ്മിന്റെ തീരുമാനം. കോട്ടയത്തു ചേര്‍ന്ന പാര്‍ട്ടി ഉന്നതാധികാര സമിതിയുടേതാണ് തീരുമാനം.

ഈ പിന്തുണ യു.ഡി.എഫിനുള്ളതല്ലെന്നും അരനൂറ്റാണ്ടായി കേരളാ കോണ്‍ഗ്രസും ലീഗുമായുള്ള സൗഹൃദത്തിന്റെ ഭാഗമായിട്ടാണ് ഇതെന്നും കേരളാ കോണ്‍ഗ്രസ് ചെയര്‍മാന്‍ കെ.എം മാണി പറഞ്ഞു.

യു.ഡി.എഫുമായുള്ള പ്രശ്‌നം മറന്ന് മലപ്പുറത്ത് ലീഗിനെ നിരുപാധികം പിന്തുണയ്ക്കണമെന്നാവശ്യപ്പെട്ട് മുസ്‌ലിം ലീഗ് സെക്രട്ടറിയേറ്റ് കത്തു നല്‍കിയിരുന്നു. ഇതു പരിഗണിച്ചാണ് കേരളാ കോണ്‍ഗ്രസിന്റെ തീരുമാനം. ലീഗ് സ്ഥാനാര്‍ഥി പി.കെ കുഞ്ഞാലിക്കുട്ടിയുടെ ഭൂരിപക്ഷം വര്‍ധിപ്പിക്കാന്‍ കേരളാ കോണ്‍ഗ്രസിന്റെ പിന്തുണ ഗുണം ചെയ്യുമെന്നാണ് ലീഗിന്റെ വിലയിരുത്തല്‍.