നെയ്യാറ്റിന്‍കര: തമിഴ്‌നാട്ടില്‍ നിന്നും രാസവളവുമായി എത്തിയ ടോറസ് ലോറി മറിഞ്ഞു. നെയ്യാറ്റിന്‍കരക്കു സമീപം ദേശീത പാതയിലാണ് ലോറി മറിഞ്ഞത്. ഇന്നലെ രാത്രി ഒരു മണിയോടു കൂടിയായിരുന്നു സംഭവം. അമിത ഭാരവുമായി എത്തിയ വാഹനം കൊടും വളവില്‍  നിയന്ത്രണം വിട്ട് മറിയുകയായിരുന്നു. റോഡരികിലെ വൈദ്യുതി പോസ്റ്റും തകര്‍ത്തു.രാത്രിയായതിനാല്‍ വന്‍ ദുരന്തം ഒഴിവായി. വാഹനത്തിലെ ഡ്രൈവറും ജോലിക്കാരും അദ്ഭുതകരമായി രക്ഷപ്പെടുകയായിരുന്നു.
വന്‍ ശബ്ദം കേട്ട് ഓടിയെത്തിയ നാട്ടുകാരാണ്  പൊലിസിനെയും ഫയര്‍ഫോഴ്‌സിനെയും വിവരമറിയിച്ചത്. ഏറെ നേരത്തേ പരിശ്രമത്തിനു ശേഷമാണ് ഡ്രൈവറെ പുറത്തെടുത്തത്.