തൃശൂര്‍: സുന്നി മഹല്ല് ഫെഡറേഷന്‍ സംസ്ഥാന കമ്മിറ്റി സംഘടിപ്പിക്കുന്ന നാഷനല്‍ ഡെലിഗേറ്റ്‌സ് മീറ്റിന്റെ ഭാഗമായുള്ള  എസ്.എം.എഫ് മേഖല കമ്മിറ്റി യോഗങ്ങള്‍ നാളെ മുതല്‍ ആരംഭിക്കും. ഓട്ടുപാറ മേഖല കമ്മിറ്റി യോഗം മാര്‍ച്ച് 19 നാളെ രാവിലെ 9.30 ന് ഓട്ടുപാറ ടൗണ്‍ ജുമാമസ്ജിദിലും, മുള്ളൂര്‍ക്കര മേഖല കാലത്ത് 10.30 ന് മുള്ളൂര്‍ക്കര നുസ്‌റത്തുല്‍ ഇസ്‌ലാം മദ്രസയിലും, ചേലക്കര മേഖല കാലത്ത് 11.30 ന് ഉദുവടി റൗളത്തുല്‍ ഉലൂം മദ്രസയിലും, ദേശമംഗലം മേല കമ്മിറ്റി യോഗം വൈകീട്ട് നാലിന്  വെസ്റ്റ് പല്ലൂര്‍ മുനവ്വിറുല്‍ ഇസ്‌ലാം മദ്രസയിലും ചേരും. യോഗത്തില്‍ സംസ്ഥാന-ജില്ലാ നേതാക്കള്‍ പങ്കെടുക്കും.
അതത് മേലകളിലെ എസ്.എം.എഫ് ഭാരവാഹികള്‍, മഹല്ല്, മദ്‌റസ, സ്ഥാപന പ്രസിഡന്റുമാര്‍, സെക്രട്ടറിമാര്‍, ട്രഷറര്‍മാര്‍, മഹല്ല് ഖതീബുമാര്‍, സദര്‍ മുഅല്ലിംകള്‍, സമസ്തയുടെ പോഷകഘടകങ്ങളുടെ ഭാരവാഹികള്‍ എന്നിവര്‍ പങ്കെടുക്കണമെന്ന് ചെറുവാളൂര്‍ ഹൈദ്രോസ് മുസ്‌ലിയാര്‍ ജനറല്‍ സെക്രട്ടറി ഹംസ ബിന്‍ ജമാല്‍ റംലി എന്നിവര്‍ അറിയിച്ചു.