ആലപ്പുഴ: തണല്‍ ചാരിറ്റബിള്‍ സൊസൈറ്റിയുടെ ആഭിമുഖ്യത്തില്‍ 12ാമത് സ്‌കോളര്‍ഷിപ്പ് വിതരണവും അനുമോദനവും നടന്നു. സംഘടനയുടെ പ്രവര്‍ത്തന പരിധിയിലുള്ള പ്രദേശങ്ങളില്‍ ഉള്‍പ്പെട്ട 10, പ്ലസ്ടു ക്ലാസ്സുകളില്‍ പഠിച്ച് എല്ലാവിഷങ്ങള്‍ക്കും എ പ്ലസ്  ലഭിച്ച 21 പ്രതിഭകളെ തെരഞ്ഞെടുത്ത് സ്‌കോളര്‍ഷിപ്പും മൊമെന്റോ കൊടുത്ത് ആദരിച്ചു. മെഡിക്കല്‍ വിദ്യാഭ്യാസം പൂര്‍ത്തിയാക്കിയ ഡോ. ശബരി മിത്രനേയും, ലിംകാബുക്ക്‌സ് ഓഫ് റെക്കോര്‍ഡ്‌സ് ജേതാവായ വിവേക് രാജിനേയും അനുമോദിച്ചു. വെബ്‌സൈറ്റിന്റെ ഉദ്ഘാടനവും നടന്നു.
പ്രസിഡന്റ് എ്രന്‍.എം. ജോസഫ് അദ്ധ്യക്ഷത വഹിച്ചു. എം. ഡി. രമേശന്‍ സ്വാഗതം ആശംസിച്ചു.  രാജന്‍ ജോസഫ് (പ്രിന്‍സിപ്പാള്‍, മാതാ സീനിയര്‍ സെക്കന്ററി സ്‌കൂള്‍, തുമ്പോളി) ഉദ്ഘാടനം നിര്‍വ്വഹിച്ചു. ജാക്‌സണ്‍ ആറാട്ടുകുളം സ്‌കോളര്‍ഷിപ്പുകളുടെ വിതരണോദ്ഘാടനം നിര്‍വ്വഹിച്ചു. പ്രൊഫ. സോഫിയ തോംസണ്‍ പ്രതിഭകളെ ആദരിച്ചു. പി.എം. തങ്കച്ചന്‍, റ്റി.എന്‍. ഉദയഭാനു, വി. മിത്രന്‍, എം. പുഷ്പാംഗദന്‍ തുടങ്ങിയര്‍ സംസാരിച്ചു.